د اسلام د ستر پیغمبر، د بشریت د لوی ناجی حضرت محمد رسول الله (ص) د مبارک میلاد په ویاړ
د خواخوږی ادبی او کلتوری ټولنی پیغام
نیټه: ۱۵/۱۱/۱۳۹۰ مطابق به ۴/۲/۲۰۱۲
د عربو متحده امارات
تر هرڅه مخکی د خواخوږی ادبی او کلتوری ټولنی مشرتابه پلاوی او ټوله غړو لخوا د حضرت سرور کائنات، فخر موجودات محمد (ص) د ویاړلی میلاد په مناسبت مبارکی او نیکی هیلی د نړی ټولو مسلمانانو په خاصه توګه د افغانستان مظلوم او مسلمان ولس ته وړاندی کوم.
حضرت محمد رسول الله (ص) چی د هغوی به مخ الله (ج) نړی پیدا کړی او د انسانیت، فضیلت، بشردوستی او خواخوږی ستر سمبول او لارښود په توګه ئی نړی ته ډالی کړی دی چی د بشریت په تاریخ کی ستر مقام او منزلت لری او هر مسلمان ورباندی ویاړی.
حضرت محمد (ص) خپل په ژوند کی د ډیرو ستونزو او ناخوالو په قبلولو سره د اسلام مبارک دین د خپرولو، پرمختیا او ټینګښت دپاره د الله (ج) د عظیم الشان قرآن پر بنیاد او د نبوی احادیثو په بیان سره څه کم دوه میلیارده اسلامی ټولنه نننی نړی ته د ښه مثال به درلودلو سره میراث پری ایښی چی د نړی ټول مسلمانان پر ده مبارک (ص) باندی فخر کوی او د ۱۴ پیړیو په تیریدلو سره نن د هغوی په ارشاداتو او لارښودنو باندی عمل کوی.
درنو هېوادوالو!
راځی چی د حضرت پیغمبر (ص) د اخوت او خواخوږی پر بنیاد ټول افغان مسلمان ولس یوموټی او یولاسی سو، خپلمنځی اختلافات او ستونزی حل او د سولی دپاره هلی ځلی وکړو تر څو چی د کفارو د توطیو او دسایسو څخه ځان وژغورو.
د وخت څخه په ګټه اخستلو سره یو وار بیا د نړی ټولو مسلمانانو ته د دی مبارکی ورځی په مناسبت د زړه له کومی مبارکی وایم.
د مسلمه امت د لا یوموټیتوب په هیله
په درنښت،
د ټولنی مشر