د خیبر پښتونخوا د ځوان نوښتګر او نازکخیاله شاعر غنم رنګ کوچي لومړۍ شعري ټولګه تغزل تازه له چاپه راوتلې ده .
دغه شعري مجموعه په ۱۹۰ مخونو کې په رنګه پښتۍ او ښه کیفیت، د حميد بابا ادبي جرګې د ۱۰۰۰ ټوکه په شمېر چاپ کړې ده . په دې ټولګه کې ۱۶۰ غزلې او ۲۰ نظمونه راغلي دي .
د غنم رنګ شعرونه زياتره حماسي او انقلابي بڼه لري، نوموړي په دغه ټولګه کې د وطن اوسنۍ ناخوالې راسپړلې او هیوادوالو ته يې د يووالي او سولي پېغام ورکړی دی .