د افغانستان کرکټ ملي لوبډله د استرالیا کرکټ ملي لوبډلې سره د اګست په ۲۵ نېټه د شارجې به لوبغالي کې لوبه کوي.
د افغانستان دا لوبه د استرالیا د هیواد سره د کرکټ په ډګر کې یوه تاریخي لوبه ده چې افغان کرکټ بورډ یې کوربه توب په غاړه لري . لوبه پنځوس اوریزه ده چې د اماراتو په وخت د مازیګر په پنځه بجې پېل کیږي او تر نیمې شپې پورې به دوام وکړي.
په اماراتو کې او له هیواده بهر ټولو افغانانو او د کرکټ مینوالو ته خبر ورکول کیږي چې د اګست په ۲۵ نېټه د لوبې لیدلو ته راشي او خپله افغان ملي لوبډله به خپله افغاني مینه ونازوي.
یادونه: د کرکت مینوال کولای شي چې ټیکټونه د شارجې لوبغالي او کراچۍ دربار رسټورانټونو څخه تر لاسه کړي