فتوي نمبر(۷۳۹):
مستفتي : طالب محمد سرور / اسلام اباد .
پوښتنه :
گران مفتي أبوالفضل صاحب ته السلام عليکم . يو سړئ دئ چي لمونځ په ولاړه کوي نو قرآئت نسي ويلائ او کله چي کښيني بيا قرآئت ويلائ سي ، ايا دَئ په ناستي لمونځ کولاي سي سره له دې چي پر ولاړي قدرت هم لاري ؟
جـواب :
هغه معذوره او کمزورئ شخص چي د ولاړي په حال کي د لمانځه د قرآئت توان له لاسه ورکوي ، او د ناستي په حال کي بيا پر قرآئت قدرت درلودلائ سي ، نو دغه څوک به په ناستي سره لمونځ ادا کوي ، او رکوع او سجده به کوي .
[کبيري : ص ۲۶۷] .