د کندهار په ميرويس حوزوي روغتون کې د عمليات خاني دپاره نوې ودانۍ هم جوړه او ګټي اخستني ته وسپارل شوه .
دا عمليات خانه د تيرو دريو مياشتو پر مهال د سره صليب د نړيوالي کميټي په مرسته د سل زره امريکايي ډالرو په ارزښت جوړ شوې ده او شپږ بستره لري .
د کندهار د عامي روغتيا رييس ډاکټر عبدالقيوم پخلا ، د کوچنيانو د مدني ټولني مشري او د کندهار والي ميرمن رنګيني ويسا او په کندهار کې د سره صليب د نړيوالي کمټي مشر اديب يې نن تر غرمې مخکي پرانستنه وکړه .
د روغتيا رييس ډاکټر پخلا خبريالانو ته وويل چې د عمليات دپاره د نوي ودانۍ په جوړيدو سره به په روغتون کې روغتيايي خدمات پر مخ ولاړ شي او د عاجلو پيښو پر مهال به د اړينو ناروغانو عملياتي چاري ژر او په اساني سره تر سره شي .
پخلا وويل چې د يوه کال په ترڅ کې ميرويس حوزوي روغتون ۱۳۰۰۰ عملياتونه کوي چې ډير امکانات غواړي .
رنګيني ويسا په دې برخه کې د روغتيا د رييس ، ميرويس روغتون او سره صليب هڅي وستايلي .
په کندهار کې د سور صليپ حوزوي مشر اديب ژمنه وکړه چې د روغتون د پرمختګ دپاره به خپلو مرستو ته دوام ورکړي .
ميرويس روغتون د حوزې په کچه لوی څلور سوه بستريز روغتون دی چې تير کال يې څوارلس لکه ناروغان تدواي کړي دي .