په غزني کې د ″ذوالفقار″ په نامه د ملي اردوعمليات شپږ ورځې مخکې پيل شوي ، چې د چارواکو په وينا، تراوسه په يو شمېر سيمو کې دوام لري.
ددې ولایت امنیتي چارواکي وايي،چې په ده يک او اندړو ولسواليو کې د پيل شویو عملياتو پر مهال ٣٠ وسله وال طالبان او د ملي اردو دوه سرتېري وژل شوي دي.
د۲۰۳ تندر قول اردو د درېيمي لوا وياند نظيف الله سلطاني وويل ، چې په دې عملياتو کې د پنځه طالب قوماندانانو په ګډون ٣٠ وسله وال طالبان وژل شوي.سلطاني وايي ، چې د يادو عملياتو پر مهال د ملي اردو دوه سرتېري وژل شوي، ٤٠ تنه وسله وال او دوه سرتېري ټپيان شوي دي.
دغه راز د غزني د ده يک ولسوالۍ د ″جن اباد″ سيمې اوسېدونکي عبدالرازق وويل، چې په سيمه کې يې پوځي عمليات روان دي.
چې نن سهارپه کې د هوان د لګېدو له امله د يوې کورنۍ دوه ميرمنې وژل شوي او څو تنه نور يې ټپيان دي. خوامنیتي ځواکونو تراوسه ملکیانو ته د اوښتې مرګ ژوبلې په اړه څه نه دي ویلي.