د ارواښاد استاد روهي د لسم تلين د غونډې خبرتيا

د افغانستان د نوميالي ليکوال ارواښاداستاد محمد صديق روهي د لسم تلين له امله د روان کال د می پر ديارلسمه نېټه د شنبې د ورځې د مازيګر پر څلورو بجو د جرمني په مونشن ګلادباخ  کې يوه علمي غونډه جوړېږي .

د استاد د لسم تلين دغه غونډه د افغانستان د کلتوري ودې ټولنې او په مونشن ګلادباخ کې د افغاني کلتوري ټولنې له خوا په ګډه جوړېدونکې ده او په کې به د ارواښاد کانديد اکاديميسين محمد صديق روهي پر ژوند او علمي هلو ځلو بېلابېلې ويناوې او مقالې وړاندې شي .

په دغه غونډه کې په نظر کې ده چې لومړی د مازيګر پر څلورو بجو د استاد پر مزار د ګلانو توديعي ګېډۍ کېښودلې شي ، بيا د قرآن عظيم الشان ختم وشي او علمي غونډه د مازيګر په پنځه نيمو بجو پيل شي .

بايد يادونه وکړو چې د ارواښاد استاد روهي جنازه لس کاله پخوا په جرمني کې د امانت په توګه خاورو ته سپارل شوې وه  او اوس به د می پر اوولسمه نېته له جرمني څخه ، خپل هېواد ته لېږدوله کېږي . جنازه به د می پر اتلسمه د پنجشنبې په ورځ  د سهار له خوا کابل ته او له هغه ځايه خوست ته لېږدوله کېږي . په همدغه ورځ د مازيګر پر څلورو بجو به ، د خوست د خلکو او علمي او کلتوري ټولنو په وړانديز او د ډېرو افغاني کلتوري مرکزونو په ملاتړ په خوست پوهنتون کې خاورو ته سپارله کېږي .

د افغاني پوهنيزو شخصيتونو له هلو ځلو او آثارو سره علاقه مندو هېوادلو ته بلنه ورکوو چې په مونشن ګلادباخ کې په دغه درنه غونډه کې له موږ سره ګډون وکړي .

پته :

Jugend Club Westend

Alexianer Str.   3 – 4

41061  Mönchengladbach

ضروري ټيلفونونه :  02161- 6535933 ,  0172 - 3042200

د افغانستان د کلتودي ودې ټولنه

په مونشن ګلادباخ کې افغاني کلتوري ټولنه