د افغانستان د خبریالانو مرکز وايي، د دوی د موندنې ښيي چې د روان ۲۰۲۴ کال په لومړیو شپږو میاشتو کې د طالبانو حکومت له خوا پر رسنیو د فشار او د خبریالانو د ګواښلو پېښې ډېرې شوې دي.
دغه مرکز زیاتوي چې په دې موده کې د محتوا له مخې د رسنیو د کارونو څارنه هم تر پخوا سخته شوې ده.
دغه رسنيز سازمان ویلي، چې په شپږو میاشتو موده کې یې د طالبانو حکومت د امنیتي ځواکونو له خوا د خبريالانو د نیولو او ګواښلو شاوخوا ٩٠ پېښې ثبت کړې دي
بلخوا په افغانستان کي یوشمیر خبریالان وائې چي د طالبانو د استخباراتو او اطلاعاتو ریاستونه ئې هره ورځ رسنیزی چاري څاری او ګواښونه ورته کوي چي د نا امنۍ خبرونه به نه خپروي او ټول خبرونه به ئې ددوی په فرمایشونو برابر وي