(غمشريکي)چي شاهين غوندي غوټې وهې پر زړونو

چي شاهين غوندي غوټې وهې پر زړونو

اې فلکه! څه زورمـــند يې، بې پـــــــ� �ـــروا

لا د پښتنو د ستر څېړونکي، اديب او مؤرخ ( استاد علامه عبدالشکور رشاد) له دردونکي تلين څخه کلونه  نه دي تېر سوي، چي دادی د پښتنو د يو بل مفکر او نوښتګر ليکوال، ژباړونکی او محقق ( استاد محمد انور نوميا� �ي ) د ناببره مړيني خواشينونکی خبر خپور سو .

انا لله و ان اليه راجعون

له کوچني والي څخه، د استاد نوميالي له نېک او سپېڅلي نامه سره اشنا وم .  وروسته  مي څه موده د افغانستان د علومو په اکاډيمۍ کي له هغه مستدل او مبتکر ليکوال سره، د نيژدې پيژندګلوۍ او همکارۍ  وياړ درلود .

استاد نوميالی، په کندهار کي د پوهو او روښانفکرو مشرانو د هغه ګرداو غړی و، چي اوس يې  ډېر لږ کسان ژوندي پاته دي .  استاد نوميالی د هغه ارزښتناک غمي په څېر و، چي د نه پاملرني له امله کلونه کلونه تر خاورو لاندي پټ و  . خو ډېر ژر  د ليکني، ترجمې او څېړني په ډګرونوکي په لوړ او درانه نامه  وځلېد .

  استاد نوميالی د نېکو اخ� �اقو، سپېڅلي خويونو، تقوا، پراخي حوصلې، خلاقانه  علمي او تحقيقي نړۍ ليد خاوند و .

د استاد نوميالي مړينه، د پښتنو په علمي او تحقيقي ټولنوکي ستره ضايعه ده .

ټولو عزيزانو، دوستانو او خواخوږو ته يې د زړه صبر غواړم . 

اروا دې ښاده  او نوم دي لوړ وي .

د وحـــدت بحــــــــــــر اروا د عالــــمونو

په يوه موج يې پېدا په بل فنــــــ� �ا کړي

که چاځان د دې بې مثله بحر موج کړ

د هستۍ بح ر به ځان ورته ماوا کړي

هارون خپل شعشعي

 انګليستان