نه شې نظر!!!

سالم ښوونیز رقابت هغه بنسټ دی چې کله په یوه ټولنه کې پلی شي نو بیا د اړوندې ټولنې غیږې ته هر ډول نیکمرغۍ منډې راوهي او له ویاړونو یې داسې ټینګه غیږ تاووي ته به وایې چې په مینه کې مسته ښاپیرۍ د خپل مسافر لالي سره ستړي مه شي کوي او ښه راغلاست ورته وايی. باید وویل شي د وردګو هر کلی او بانډه اوس د دې ډول سالم او روښانه رقابت د هڅو ډګر ګرزیدلی دی چې موږ د نه شې نظر په دې ځانګړي مقام کې د جغتو د ولسوالۍ د اخترباباخیلو کلي ته یوه لنډه کتنه کوو چې د هیواد په پوهنتونونو او لوړو موسساتو کې د دې کوچني کلي د محصلینو شمیره کابو ۲۰ کسانو ته رسیدلې او دغه روښانه بهیر لا دوام لري.
د اختر باباخیلو کلی د جغتو د ولسوالۍ په مرکز کې واقع دی شمال ته یې کلاندې یا لوی کلی، شمال لودیځ ته یې د سنځلې کلی، شمال ختیځ ته یې د جغتو د ولسوالۍ انګړ، سهیل یا جنوب ته یې د محمدقلي او سه ده کلي، سهیل ختیځ ته یې د کاریز کلی، سهیل لویدیځ ته یې د سعادت باباخیلو کلی، ختیځ او لویدیځ لور ته یې شاړې دښتې موقعیت لري. په دې کلي کې د ۴۰ په شاوخوا کې کورنۍ هستوګنه لري چې د زیاترو خلکو ګذاره یې په نیمه نیم ګوره توګه په بزګرۍ او باغدارۍ باندې برابره ده. همدارنګه د هیواد د نورو سیمو په ځیر د کرنیزې ځمکې د کموالي او په سیمه کې د څو کلنې وچکالۍ له کبله د دې کلي زیاتره ځوانان هم د اقتصاد د ښه کولو په موخه بهرنیو هیوادونو او د هیواد لرې سیمو ته د غریبۍ لپاره ځي څو د خپلې کورنۍ لپاره د روزۍ د پیدا کولو هڅې وکړي. خو د دې سره سره د دې کلي اوسیدونکي د خپل توان په اندازه هلې ځلې کوي چې خپل اولادونه د پوهې لوري ته و هڅوي چې په دې لړ کې یو زیارت شمیر تازه ګلونه راټوکیدلي او د هیواد د لوړو زده کړو موسساتو ته د بریالیتوب او شمولیت لاره موندلې ده چې د ځینو نومونه په لاندې ډول دي:

مننه او كور ودانۍ
د جغتو مهالنۍ اداره له ښاغلي ګل آغا ااحمدي وردګ څخه د زړه له کومي مننه کوي چې د جغتو د اوومې ګڼې مالي لګښت یې پر خپله غاړه واخیست او په دې لاره کې یې د خپلې کلتوري مینې انځور د نندارې په ډګر کې کیښود لوی خدای دی اجر ورکړي.