 شفيق فضلي- كونړ
 

كرزي د كونډې له لور سره څه وكړل!؟

كرزي د جلۍاوښكې پاكې كړې... هغه يې ځان ته نږدې كړه او...
 

دا خو ټولو ته معلومه ده، چې د طالبانو د سقوط سره سم حامد كرزى د افغانستان نوى ولسمشر ونومول شو. داسې ويل كېدل، چې حامد كرزى به د وسله والو له شره ولس خلاص كړي. د هغوى له اوږې به ټوپك او ګردنۍ لېرې كړي او نور به د پېغلو بې عزتي نه كېږي او مېندې به نه بورې كېږي؛ خونوموړى ولسمشر په دغه كار كې څومره، چې هيلې كېدې كامياب نه شو.
د كرزي سره نژدې پاتې شوي خلك دهغه په اړه وايي، چې نوموړى ډېر خوښ او آرام طبعه سړى دى. هغه د ساړه طبيعت له امله يا خو بېخي نه غوسه كېږي او كه غوسه كېږي هم داسې غوسه يې نه وي، چې مقابل لورى دې دتاثير لاندې راولي. دا خبره يوڅه حقيقت هم ده ځكه، چې د هغه خبرو په جنګ سالارانو هېڅ اغېز نه دى كړى.
حامد كرزى د عادتونو په حساب د خپل پلار پر پل، پل ږدي. د هغه پلار، چې يو با حوصلې او د ښو اخلاقو څښتن و په كوېټه كې د نامعلومو كسانو له خوا ووژل شو

د هغه يو نژدي ملګرى كيسه كوي: "يوه ورځ عبدالاحد كرزي ته د كوېټې د مچ له سيمې يوه ماشومه راغله هغې ورته د خپل ځان د پېژندګلوي نه وروسته وويل، چې مور مې كونډه او نور څوك نه لرم؛ نو د اقتصادي ملاتړ د نه موجوديت له امله خپلو زده كړو ته دوام نه شم وركولى... او له دې سره د ماشومې، چې ايله 12 كلنه وه په مخ اوښكې رامانې شوې.
احد كرزي جلۍ ځان ته نژدې كړه د هغې اوښكې يې پاكې كړې د هغې پر سر يې پړونى سم كړاو ورته يې وويل: "بې غمه شه ته زما لور يې ته به زده كړې كوې او خامخا به يې كوې ستا د زده كړولګښت به زه وركوم". ويل كېږي، چې دغه جلۍ، چې اوس د خپلې مور سره په مصر كې اوسېږي هغه نه يوازې د مصر د الازهر په پوهنتون كې زده كړه وكړه؛ بلكې د كمپيوټر په برخه كې يوه تكړه تخنيك كاره هم ده.
افغان ولس د حامد كرزي نه د هغه د پلار په څېر تمه لري. هيله ده، چې زمكې ته يې ونه غورځوي.