مرسته     |     دپاڼي نقشه     |     ننوتل
دخپریدو نیټه : 2007-11-09   مخپرونکئ : 011 - دبېنوا اداره - کابل

له استاد بختاني خدمتګار سره د مخه ښې غونډه

دربار

د افغانستان د کلتوري ودې ټولنې د کار ډلې او مشرتابه جرګې ځينو غړو پرون ماښام له استاد سرمحقق عبدالله بختاني خدمتګار سره د مخه ښې غونډه جوړه کړه . استاد بختانی او استاد حبيب الله رفيع څه موده مخکې  په جرمني کې د افغانستان د کلتوري ودې ټولنې په بلنه د نوي افغانستان د جوړېدو د 260 کاليزې نړيوال جشن ته د يو شمېر نورو پوهانو په ګډون راغلي وو .
د مخه ښې په دغه غونډه کې د ټولنې د کار ډلې يو شمېر غړيو د استاد د راتګ او دلته د څه وخت د استوګنې له امله خوښي څرګنده کړه . په پای کې استاد له ټولنې او په اروپا کې له استوګنو افغانانو خوښي څرګنده کړه چې په افغاني ولولو سره يې په هر ځای کې د دوی هرکلی کړی دی . بايد يادونه وشي چې د استاد رفيع په ګډون ، نور پوهان مخکې له جرمني څخه تللي دي .
استاد نن ماښام د دوسلدورف له هوايي ډګر څخه د کابل پر لور روان شو او په هوايي ډګر کې ورسره د افغانستان د کلتوري ودې ټولنې د مشرتابه يو شمېر غړو مخه ښه وکړه .

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery