میرویس جلالزی
له نن څخه
۳۶ کاله دمخه یعني د ۱۳۵۲ کال د چنګاښ یا سرطان د میاشتې په ۲۶مه نیټه چې د ۱۹۷۳ زیږدیز کال د جولاۍ میاشتې
ه اولسمې نیټې سره برابره وه، د افغانستان د لومړني ریاستي نظام د بنسټ ډبره د مرحوم داودخان له خوا کیښودل
وه.
سردار داود خان د یوې پوځي کودتا په مټ په دې وتوانید چې د خپل تره د زوی ظاهر شاه واکمني ړنګه کړي او
په افغانستان کې د لومړني ریاستي نظام بنسټ کیږدي.
د کودتا پر وخت ظاهر شاه په ایټالیا کې وو چې په
دغه کودتا تر خبریدو څو ورځي وروسته یې خپل رسمي استعفا لیک کابل ته راواستاوه.
د ظاهر شاه کورنۍ له
کودتا څو ورځي پس له افغانستان څخه ایټالیا ته کډه شوه.
مورخین کاږي چې داود خان د کودتا دمخه ډیری
پلانونه د پرچم ګوند د غړو په مټ جوړ کړي وو او واک ته له رسیدو وروسته یې هم یو شمیر کلیدي پوستونه
د دغې ډلي غړو ته وسپارل او همدا یې لامل وو چې د پرچمیانو په مرسته یې له مسکو سره اړیکې ښې شوي.
خو د
وخت په تیریدو له شوروې سره د داودخان اړیکې سړې شوې او د اړیکو د دغه سړوالي اصلي لامل له عربي او غربي ملکونو
سره د سردار محمد داود نږدوالی وو.
سردار محمد داود خان تر پینځه کلني واکمنۍ وروسته د ۱۳۵۷کال د ثور
میاشتې په اومه نیټه د یوې پوځی کودتا په ترځ کې د خپلې کورنۍ له تقریباً شلو تنو غړو سره یو ځای د ولسمشرۍ په ماڼۍ
کې شهید کړای شو.
