په جرمنی کی د کونړ سیند دویمه کلنئ مشاعره جوړه شوه

په المان کی دکونړ د ځوانانو دکولتوری ټولنى په کوربه توب د روان 2009ع کال داګست د میاشتی په لومړئ (1) نیټه دخالی (شنبی) په ورځ دالمان د � �یورکوزن په ښار کی « دکونړ سیند» تر سرلیک لاندی دویمه کلنئ درنه او پرتمینه مشاعره جوړه شوه، چی له جرمنی سربیره د اروپايی هیوادونو څخه هم په سلګونو هیوادوالو پکی ګډون کړی ؤ.
دمشاعری دسټیج چاری د ښاغلی انجنیر فریدالله ساپی له خوا پر مخ بیول کیدی.
غونډه د مازیګر په اوه بجو ښاغلی سید هاشم پاچا صاحب له خوا د قران م جید د څو مبارکو ایاتونو په تلاوت سره پیل شوه نوموړی په اسلام کې د شعر او شاعرۍ په ارزښت باندی رڼا واچوله.
ورپسی دښکلو ګلالیو کوچنیانو له خوا «ای زما وطنه ،د لالونو خزانی زما» ملی ترانه په ډیر خوږ اوزړه � �اښکونکی اوازونو کی وړاندی شوه، چی دګډونکونکو له خوا په تودو چکچکو بدرګه کیده. ورپسی ښاغلی سیدرحیم یوسفی د ټولنی په استازیتوب ګډونوالو ته هرکلی وویلو اود ټولنی په کار او فعالیت ئی رڼا واچوله.

همدا رازد کونړ سیند ددویمی کلنئ مشاعری په مناسبت کونړ میشتو فرهنګیانو ،دخاص کونړ کولتوری او ادبی ټولنی، د ناروی په تورنهایم کی د افغانانو کلتوری ټولنی په اوسلو کی دافغانانو د کولتوری ټولنی د پښتونخوا د پوهنی دیری او د پښتو ادبي تړون ـ چمن ، د «څار» مجلی اداری،د«ستوری » مجلی اداری د «کونړ غږ» مجلی اداری ، د« سپین غر» مجلی اداری ، ، همدا شان پیاوړی لیکوال ښاغلی قریب الرحمن سعید،ژبپوه ښاغلی حجت الله فطرت،ښاغلی عادل اڅکزی اوعم راخان هم مبارکی او پیغامونه رالیږلی ؤ ، په اوسلوکی دافغانانو د کولتوری ټولنی په استازیتوب ښاغلی ضیاالحق خان او د سپین غرمجلی مسول مدیر ښاغلی انجنیر لطیف الرحمن سرشار په مشاعره کی ګډون کړی ؤ چی ښاغلي نصیر ستوري د ټولنی په استازیتوب له ټولو کولتوری ټولنو او سړیتوبونو(شخصیتونو) مننه وکړه او د وخت د کمښت له امله ئی د پیغامونو له منځ څخه د خاص کونړ ادبي او کولتوری ټولنی پیغام واوروه.
ورپسی مشاعره پيل شوه چی د هیواد تکړه وتلیو نامتو او ځوانو شاعرانو هریو ښاغلی څارنوال باوري ، مېرمن شاه جهان حرکت ، ښاغلي مصطفی ارين ، ښاغلي صم يم ساپي ، ښاغلي علي محمد مجبور ، میرمن ظاهره رسولي ، ښاغلي معاون ګران برهانی، وړوکی مروه رؤفي ، ښاغلي م بارز څاپي ، ښاغلي خالد ساپی، ښاغلي جاويد احمد زي ،پیغله سلګئ شینواری، ښاغلي نسیم ستوري ، ښاغلی ظاهر خان نور،ښاغلي مطيع الله رؤفي ، ښاغلی عزیز سرشار، ښاغلی قاری نهضت تنها ،ښاغلي پيمان ، ښاغلي همايون جان رؤفي ،ښاغلی محمداجان یاراو ښاغلی غرزی متین خپل خپل شعرونه واورول. ښاغلی فرمان هاشمی دپياوړی شاعرښاغلی انجنیر عبدالوکیل متین شعر، ښاغلی زلمی قاضی خیل دملی شاعر ملنګ جان شعر ، پیغلی تنها عاجز د ښاغلی امان الله عاجز � �عر، ښاغلی شفیق الله د ښاغلی غازی شعر او همدا راز د درنی خور میرمن زرلښت حفیظ او ښاغلی ریاض نانیخیل شعرونه هم واورول شو.
مشاعره دهیواد د پیاوړی اووتلی شاعر، دځانګړی انداز لرونکی ښاغلی عبدالوهاب سرتیر په څو شع� �ونو پای ته ورسیده چی د برخه والو له خوا په تودو چکچکو بدرګه کیدله.
ورپسی دمه وشوه او له دمی وروسته لاټ� �ی لوبه وشوه چی د اتل سالارزی او زلمی قاضی خیل له خوا سمبالیدله .
د ټنګ ټکور برخه د خوږ ژبـی سندرغاړې می� �من هما ((افغان مینه)) په زړه راښکونکی اواز ښکلی شوی وه چی د غونډی فضا ئی ډیره توده کړله. له میرمن هما سره دهیواد نامتو خوږ ژبـیوسندرغاړو ښاغلیو احمد ضیا رشیدی او احمد شکیب رشیدی ملتیا کوله
همدا راز د کونړ د ځوانانو کولتوری ټولنه د ټولو هغه ټولنو، او ځانګړو سړیتوبونو(شخصیتونو) نه چی د ټولنی دکار او زیارملاتړ يي کړی او مونږ سره ئی د کونړ سیند په مشاعره کی برخه اخستی د زړه له کومی مننه او قدردانی کوی.
ټولنه دپیاوړی شاعر او ادب پال ښاغلی ډګروال علی محمد مجبور مننه کوی چی د مشاعری په ویاړ ئی دټولنی سره ۴۰۰ څلور سوه ایرو مرسته وکړه، کور ئی ودان .
غونډه د شپی په دولسو بجو سندرغاړو او تخنیکی همکارانو ته د ګلونو د ګیډو په و� �کولو او مننی سره پای ته ورسیده.