و نبي عليه السلام ته د جبريل (ع) د نزول تعداد .

فتوی نمبر (۴۱)
دارالافتآء علامه محمد معين الدين أبوالفضل ، افغاني کان الله له ودامت برکاته .

مستفتي  :  عبدالله  .
محترم مولوي صاحب زماپوښتنه داده چي جیرئیل (عليه السلام) ونبي (صلی الله علیه وسلم) ته په موده کښي د حيات د نبي (علیه السلام) څو واره راغلئ دئ  ؟

الجواب وهوالموفق للصواب،
نحمده ونصلی علی رسوله الکریم وعلی آله واصحابه اجمعین

د صحيح احاديثو له رويه صرف دونه قدر خبره په ثبوت رسيدلې ده چي حضرت جبرئیل (عليه السلام) په کثرت سره ونبي (عليه السلام) ته راتلئ  ، او تعداد او شمير د نزول او راتګ يې په هيڅ صحيح حديث کښي نه دئ راغلئ نو علم ددې خبري و الله (جل جلاله) ته مفوض دئ ، البته په ځينو کتابو کښي د تاریخ داسي راغلي دي چي جبرئیل (عليه السلام) ونبي (صلی الله عليه وسلم) ته ۲۶۰۰۰ شپږويشت زره واره راغلئ دئ ، خو دا خبره معلومه نه ده چي دغه مورخ دغه خبر له څه رويه کړېده .
د مبارک (عليه السلام) د نبوت موده ۲۳ کاله وه ، د درويشتو کالو ورځي د قمري سال په حساب سره ۹۱۶۵ ورځي کيږي نو که د جبرئيل (عليه السلام) نزول ۲۶۰۰۰ واره صحت پيدا کړي نو بايد د نبوت د مودې په هره ورځ کښي درې واره ده نزول کړئ وي ؛ ځکه چي ۲۶۰۰۰ چي پر ورځو د نبوت تقسيم کړه سي نو تقريبا وهري ورځي ته درې کرته نزول وررسيږي   .