د افغانستان نوميالي ليکوال، شاعر، ژورنالست او >>>

اسلام آباد: د ٢٠٠٤ ز کال د اکتوبر د مياشتي پر ٢٤ نيټه د افغانستان نوميالي ليکوال، شاعر، ژورنالست او سياست پوه ارواښاد استاد محمد ابراهيم خواخوږي د مړيني (١٢) تلين په اړه د قرآن مجيد ختم او روژه مات مراسمو څخه وروسته د خواخوږي ادبي او کلتوري ټولني لخوا يو پرتمينه غونډه وسوه .

افغان ليکوالانو، شاعرانو، ځوان فرهنګپالانو او د پوهني مينه والو په دي غونډه کي ګډون کړي وه چي د خواخوږي ادبي او کلتوري ټولني د مشرتابه غړي او د ادبي بهير مشر پوهاند ډاکټر حبيب الله غروال د خپلو خبرو په ترځ کي د ښاغلي ارواښاد استاد خواخوږي علمي او ادبي شخصيت په اړه خبري وکړي او خپل يو شعر يي چي د استاد خواخوږي په ياد ويلي و ولواسته.

بيا د خواخوږي د ادبي او کلتوري ټولني د مشرتابه غړي او د ځوانو ليکوالانو د چارو مشر ځوان فرهنګپال عبدالودود پښتون زار د ارواښاد استاد خواخوږي د ټولنيز او علمي شخصيت په اړه خپل څيړنيز ليکني ولوستلي.

د غونډي بل ګډون کونکي شاعر او فرهنګپال استاد جمشيد سالارزي د ارواښاد محمد ابراهيم خواخوږي د ژوندانه په بيلو بيلو برخو کي رڼا واچول او خپل شعر يي  و ګډون کونکو ته واوراوه.

په اسلام آباد کي ميشت پوهنيز شخصيت استاد محمد ياسين ارغنديوال چي د پوهني وزارت پخواني لوړ پوړي چارواکو څخه ؤ او د استاد خواخوږي د شاګردي وياړيي په برخه ؤ، د ښوونکي په توګه د ارواښاد استاد خواخوږي د شخصيت ځانګړتياوي بيان کړي.

بل ويناوال د افغانستان بانک پخواني د خپرونو مشر استاد لعل محمد منګل وو چي خپل خاطرات يي د حبيبيي ليسي د زده کړي د مهال او د استاد خواخوږي چلند د زده کونکو د ويښتيا او د علمي زده کړي په وړتيا کي څرګندي کړي.

بيا د خواخوږي د ادبي کلتوري ټولني د مشر تابه غړي ښاغلي عبدالجميل خاکسار د ځوانانو په روزنه کي د ارواښاد خواخوږي د ځانګړي ميني په اړه خبري وکړي.

 په پاي کي د خواخوږي ادبي او کلتوري ټولني کوربه؛ ليکوال او د سياسي چارو کارپوه غرزي خواخوږي د ارواښاد استاد خواخوږي د شخصيت، ځانګړتياوو او هيلو په اړوند خبري وکړي او وي ويل چي ارواښاد سپيڅلي مسلمان او هوډمند افغان، د صداقت، کلک عزم، ميړاني او سپيڅلي احساس خاوند وو چي د ژوند د ډيرو ازماينوو څخه بريالي وتلي، د هيواد او هيواد والو سره يي ځانګړي مينه درلوده.

د ځوانانو د روزني او ويښتيا په برخه کي نه ستړي کيدونکي هلي ځلي کړي وي، په سياسي ژوند کي د استبداد ضد او د ژوند تر پايه پوري د واکمنانو و ناوړو هيلو ته هيڅ کله غاړه ندي ايښي.

د غونډي په پاي کي غرزي خواخوږي (د خواخوږي ادبي او کلتوري ټولنه) پرانيسته او د ګډون کونکو څخه يي مننه وکړه.