كندهار: د لوى استاد د سلمي كليزي په وياړ سيمينار

گزارش : زمرى

 د چهار� �نبې په ورځ  د غويي د مياشتي پر ۱۸ نېټه، چي د  روان مېلادي كال د اپريل د مياشتي د ۷ نېټې سره سمون لري، په كندهار كي  دلوى استاد علامه حبيبي (رح) د سلمي كليزي په وياړ د كندهار د اطلاعاتو كلتور رياست لخوا يو و� �ځنى علمي سيمينار جوړ سوو.
سيمينار د سهار پر ۱۰:۰۰ بجو د كندهار د ولايت د اطلاعاتو او كلتور رياست د رئيس ښاغلي عبدالمجيد بابي په وينا پيل سو، ورپسې د كندهار ولايت د والي ښاغلي خالد له خوا د هيواد د جمهور رئيس پيغام ، د علوم اكاډيمۍ پيغام  ، د اطلاعاتو كلتور وزارت  پيغام او  نورو فرهنگي  ټولنو پيغامونه په  وار سره  واورول  سول.
وروسته  د سيمينار د مقالو برخه،  په فرهنگي چارو كي د سلاكار وزير ښاغلي هيوادمل صاحب په وينا پيل سوه، چي وروسته پرله پسې د كابل، كندهار او نورو ځايو څخه  راغلو ليكوال م� �الې د لوى استاد  علامه حبيبي (رح) د شخصيت، اثارو، ژوند او مبارزې په اړه پرله پسې د سيمينار گډونوالو ته واورل سوې او سيمينار د مازديگر پر ۴:۳۰ باندي د پرېكړه ليك په ويل سره پاى ته ورسېد.