دکندهاردطبي ډاکټرانوټولنه تاسيس شوه
په بېنوا کي دلیکني شمیره : 1928دخبریدو نیټه : 2005-01-16
ولي شا طبيب کندهار:
دجمعي په ورځ دجدي دمياشتي پر ۲۵ نيټه دکندهار دطبي ډاکترانو ټولنه تاسيس سوه ، په نوموړي غونډه کي چه دماپښين پر دوو بجو دکندهار په ښاري پولي کلينيک کي ترسره سوه يوتعداد ښځينه او نارينه ډاکترانو برخه اخيستي وه ، مؤسيسه غونډه دکلام الله دڅومبارکو ايتونو په طلاوت سره پيل سوه ،دغونډي اجنډا برخه والو ته واورول سوه ، او دغونډي مشرتابه هيئت وټاکل سو ، دکندهار دطبي ډاکترانو دټولني اساس نامي ټول ۳۸ مادي غونډي ته واورول سوي او دبرخه والو وړانديزونه ته مثبت جواب وويل سو او اساسنامه په ډير لږ توپير سره درايو په مطلق اکثريت سره تصويب سوه ، وروسته دکندهار دطبي ډاکترانو دټولني ريئس ،معاون او داجرايئه کميټي غړي دمستقيمو ،ازادو او پټو رايه ورکولو سره وټا کل سوه ، دکندهار دطبي ډاکترانو ټولنه به دلاندي موخو يا اهدافو په رڼا کښي او داساسنامی په حدودو کښي خپلي دندي ترسره کوي :
۱:انساني کرامت ته په احترام سره روغتيايي خدمات و اړو خلکو ته وړاندي کړي .
۲:دډاکترانو علمي اومسلکي سويي ته ارتقا ورکړي .
۳:ددوي دخپل منځي همکاري روحيه پياوړي کړي
نوموړي غونډه دماښام پر شپږو بجو په بري سره پای ته ورسيده
