د سلګونو پيړيو وروسته يو موميايي شوی مړی پيداشو
په بېنوا کي دلیکني شمیره : 1932حبيب الله غمخور سويډن
دخبریدو نیټه : 2005-05-22
١٣٨٤ د غبرګولي اوله نېټه ( ژباړونکی حبيب الله غمخور - سويډن )
له روسي ژبي ايزويستيا ((IZVESTI ((ورځپاڼي څخه
مطلب ليکونکی : باريس پيلياڅين
دجاپان لرغون پيژندونکو په مصر کښې ډير پخوانۍ موميايي شوي مړۍ بدن وموند!
دمصر دتوريزم وزارت خبر ورکړ پدې ورستيو کې دجاپان د ((باسيدا )) دپوهنتون دلرغون پيژندني هغه گروپ چي دلسو کالو راپدې خوا دتاريخي اثارو او ابداتو په پلټنه بوخت دي دقاهرې دښار جنوبي برخي په ٨٠ کيلومترۍ کښي د پخوانۍهديرې په يو قبر کښي ديوه نارينه مړي بدن پداسي حال کي چي په تابوت کي پروت ؤ پيداکړ .
ددې تحقيقاتي گروپ مشر ښاغلی((ساکيدزي ايسيمورا)) وويل ،موږ دلرغون پيژندني دکيندنو په پايله کي چي د ((داسخير)) دسيمي په يوه پخوانۍ کليواله هديره کي مو تر سره کړې ديو نر داسي بدن چي په تابوت کي پروت و وموند ،دا جسد هيڅ ندی خراب شوی اوتر اوسه پوري په ښه شان ساتل شوی دی .
داسړی هغه څوک دی چي تر افسانوي فرعون ((توتانخامون )) يې ډير پخوا ژوند کاوه ،دده دبدن په هکله تر علمي څيړنواو پلټونو وروسته دا څرگنده شوه چي نوموړې د ميلاد څخه مخکي ( قبل الملاد ) څوارلسمي پيړۍ په دوهمه نيمايي او دپنځلسمي پيړۍ په شرع کي دلته ژوندکاوه ، او ديو شمير بيلگو نه داسي څرگنديږي چي نوموړي شخص يو دولتي جگپوړی چارواکی و.
دنوموړي سړي دسر برخه د سره او زرغونه رنگه ماسک پواسطه او دبدن پاتې برخه ئي په زيړرنگ پوښل شوي ده .
بايد يادونه وشي چي په مصر کښي دداشان موميايي شوو جسدو دپيداکيدو خبرونه يو په بل پسي خپرېږي .
دتير عيسوي کال په اخير کي يوه بل دلرغون پيژندني گروپ د((اوزيسي بحريه )) په نوم يوه سيمه کي چي دهيواد په لوېديځ کي پرته ده ((٢٠ )) موميايي جسدونه په يو پخواني قبرستان کي پيداکړه چي ددغو جسدو سابقه ٢٠٠٠ کالو ته رسيږي . تاريخ څيړونکي او پوهان دا لويه علمي بريا او لاسته راوړنه بولي .