دملاعبدالسلام ضعیف سره د بېنوا ځانګړې مرکه

دکاپي کولو ټول حقوق ئې د بېنوا سره خوندي دي :

ګرانو لوستونکو دبېنوا دځانګړو مرکو په ترڅ کي مو دا دی نن دافغانستان د یو پخواني دیپلومات او د افغانستان د سیاسي کرکیچ کارپوه ملاعبدالسلام ضعیف سره مرکه کړې ده او د افغانستان د روانو حالاتو په اړه په ژوره توګه ورسره ږغیدلي یو. ملاعبدالسلام ضعیف د طالبانو په وخت کي په اس� �ام اباد کي دافغانستان سفیر و چي د حکومت له رنګیدو وروسته د پاکستاني چارواکو لخوا د ټولو نړیوالو نورمونو خلاف لاس تړلی امریکایانو ته وسپارل شو او په بګرام ،کندهار او ګونتنامو کي  ئې درې کاله دامریکایې سرتیرو په زندانو کي زنداني پاته شوی دی .
 دښاغلي ملا عبدالسلام ضعیف سره مو تر ډیره هغه پوښتني مطرح کړي چي ډير لوستونکي ئې د جواب موندلو په لټه کي دي راځي په ګډه ئې مرکې ته راسو .

بېنوا :ښاغلی ضعیف صاحب که لومړی له تاسي وپوښتمه چي  تاسو دافغانستان اوسنی حالات یعنی د 2008 کال امنیتي حالات څنګه ارزوی؟

ښاغلی ضعیف : موږبه شایدټوله ددې کال اودتيروپنځوکلونودحالت شاهدان يوچې دتيروکلونوپه پرتله ددې کال وضعيت ډيرخراب واو دی، په امنيتې لحاظ بې امنيتې ډيره سوېده، جنګونه ډيرسويدي، فقر،غربت،بې روزګارې ډيره سوېده دهرجنس قيمتونه له اسمان سره خبرې کوې ددې سره سره دخارجې یرغلګروپه سرونوهم دمرګونوبلاګانې ښه روږدې سویدې سياسې مايوسې اوبې اعتمادې ورځ تربلې ورځې په سيمييزډول سرونه راباسې چې ترډيره ددې لامل کېږې چې شتمن وګړې دې ته وهڅوې چې په به� �نيوهيوادونوکې دخپلوپانګونوپه هڅه اولټه کې سې چې دابه نورهم دخلکودغربت سبب کيږې زماپه اندیوخودالله جل ج� �اله خپله مقرره ده چې څه يې اراده وې هغه به کيږې اما په بندګې کوتافکر که چيرې دخارجې یرغلګرو اودکرزي دادارې په دننه کې مثبت بدلون رانسې کیدای سې په همدې کال نسبت راتلونکې کال ته شکروباسو.

بېنوا : افغانستان ته د با� �ک اوبهاما سفر څنګه ارزوی؟

ښاغلی ضعیف : زه دبارک اوباما سفرته خوشبين نه يم چې دغه سفربه په راتلونکې وخت کې زموږهيوادته کومه سوبه ولرې داپه درې دلیله باندې ويلای ياتاکيدکولای سم اول داچې داوباما ليدل دهغه چاسره وه چې عملا دهغوی ترقيادت لاندې کارکوې اودهغوی خيرات ته يې خيټې ښه غوړې کړې دې هغوی يوازې هغه ته دافکرورکوې چې ددوی ریږديدلې لينګې ورټينګ کړې هغوی په دغه هيوادکې هم خپل کارونه مثبت بولې اوهم دهغوی کارونه مثبت ګڼې هرهغه څه به هغه ته وايې چې هغه په خوشحاله کيږې اودوی يوڅه نورهم ورنږدې کيږي نوله همدې کبله هغه دحقيقت نه لرې ساتل کيږې يوازې په مننواوګلونوبدرګه شې.
 دويم: هغه يوملکې شخص دې دامريکادولس دمشرتابه لپاره یې ځان کانديدکړیدی داچې ګټې به یي کنه دالانده معلومه که يې وهم ګټې هغه به دڅلوروکلونولپاره ددغه هيوادرئس وې مګر دامريکاپاليسی بيخې ډيرقدامت لرې کيدای سې پنځوس اوشپيته کاله ورباندې کارسوي وې زه فکرنکوم که دی وغواړې داه� �څه بدل کړې هغه به داکاروکولای سې، اصلا په هرحکومت کې دننه بل حکومت سته چې هغوی په دغوشيانوباندې کارکوې هغه دائمې حکومتونه دې، دغه دڅلوروکلونوحکومتونه فقط ځې اوراځې دهیوادپه بنيادې پاليسيوکې ډيرکم رول لرې داچې دګټ� �ووړاندې څه واېې اوخلکوته څومره وعدې کوې دایوازې دکمپاين خبرې دې کله چې قدرت ته ورسيږې خپل وزن اومسؤليت ورته معلوم سې بياترډيروشيانوپښه اړه وې په تيره په جنګې اوبهرنيوفلانونوکې .
دريم اوباما دافغانستان په اړه ډي� �بد نظرلرې چې هغه جنګ ته پښه ورکول اوديرغلګرو راډيريدل دې دهغه سره دسولې په اړه يوازې دجنګ پديده ده ياددوی په اصطلاح ده دفتحې فکردی مګر دجنګ پديده هغه ورانه ماده ده چې دهيچاپه ګټه نده، يوازې تباهې اومرګونه ډيره و� �ای سې، دقومونواوملتونوترمنځ نفرتونو اوفاصلوته ښه وده ورکولای سې نودهم دې علتونوپه اساس زه ويلای سم چې داوباما سفرزموږ لپاره کومه ښه پايله نلرې.

بېنوا : :تاسو په افغانستان کي د ملکي وگړو د مرگ ژوبلي د مخ نیوی لپاره کومه لاره ښه بولی؟

ښاغلی ضعیف: که موږ دجنګ اوسنې وسائلوته نظروکړو نو ويلای سوچې ددواړواړخونو وسائل داستعمال په وخت کې دډيرو تلفاتولامل ګرځې که هغه کلستربمونه او۵۲ ډوله الوتکې دې اوکه په مځکه کې ښخ مينونه اونورداسې وسائل دې که په رشتياسره دواړه اړخونه غواړې چې دعامه تلفاتومخنيوی وسې بايددځينووسائلوپراستعمال خبره وسې ترڅوپه جنګ کې دهغه وسائلوداستعمال مخه ونيول سې چې عامه تلفات رامنځ ته کوې،ښه خبره خوبه داوې چې اول جنګ ودرول سې که داکارپه اول قدم کې نه کيږې نوبيادغه دويم کاريوڅه دتلفاتومخه نيولای سې، مګرداکارله يوه اړخه نسې کيدلای چې طالب ته وويل سې چې ته فدايې ب� �يدمکوه مينونه مه ښخوه خوامريکايان دې په يوه بم کې بسته وطن له بيخه کاږې اويادې په يوه ساعته کې دوه سوه کسان د۵۲ ډوله الوتکې تر مرميوتيره وې.

بېنوا : ښاغلی ضعیف صاحب ایا په افغانستان کی د طالبانو د حکومت له نسکورید وروسته مثبت پرمختگونه هومره دي چي پرې حساب وشي؟

ښاغلی ضعیف : هرنظام په خپل ذات کې منفې اومثبت اړخونه لرې چې له بده مرغه هرنظام په خپلومثبتولاسته راوړنوباندې وياړې اوپرې حساب کوې اوخپل منفې اړخونه له نظره غورځوې، که سړی دیوه نظام هرڅه مثبت ارزيابې کې دابه هم يوطرفه قضاوت وې اوکه ديوه نظام هرڅه منفې ارزيابې سې نودابه هم دانصاف خبره نه وې خومهمه داده چې مثبت اومنفې يې مقايسه کړای سې چې کوم اړخ يي وزن لرې اواهم فاالاهم يې وکتل سې بياورباندې قضاوت وسې. زه دموجوده ادارې پرمختګونه ځينې مثبت ارزيابې کوم کوم چې دوی ورباندې وياړې لکه افغانستان په بين المللې ټولنه کې راڅرګنده ول،اقتصادې بهيرکړندی کول،دمشرانو اوولسې جرګو جوړول، په نامه و� �سې جمهوریت برپايه کول، انتخاباتوته زمينه برابرول،دموکراسې پياده کول دبشرحقوق دبيان ازادي اوداسې نورچې په شرعې توګه زه خپله دډيروسره موافق نه يم خوددوی لپاره لاس ته راوړنه ده مګرمنفي اړخونه یي ډيردرانه دې چې � �يرځله يې لاسته راوړنه په یوځلې ترستونې تيره وې لکه دخارجې يرغلګروبې سره اوخپل سره سرټمبګې چې دډيروهيوادوالو دنفرت لامل ګرځيدلې،دهغوڅيرو بيرته رامطرح کول چې دڅيرونه يې دخلکوزړه چووې،په هيوادکې داسې خطرناکوڅيزونوته لاس وړاندې کول چې دخلکواحساسات راوپاره وې،ادارې اواخلاقې فسادترويجول اوداسې نورچې اوس يې هم دجنګ لمبې ګرمې کړې، هم يې سمييزي تربګني اوترنګتياوې رامنځ ته کړې تردې چې اوس دتجزيي پرفلانونوهم خبرې روانې دې اوياکيږې چې ټولې لاسته راوړنې يې ترسيورې لاندې کړلې، زه په دې عقيده يم چې دغې ادارې به لاسته راوړنې لرلې خوبدبختانه چې منفې اړخونوهرڅه ترسيورې لاندې کړه داځکه چې يودافغانانوداحساساتوسره لوبه روانه ده دويم دهرڅه سره دلاابالی کړنه ترسره سويده اوبل حيادې وې ډيره ډيره داولنومتل دی چې دبل په پرتاګه کونه نه پټيږي.

بېنوا: ایا د طالبانو اوسنی جگړه پر ځای ده ؟

ښاغلی ضعیف:اصلا که موږدجګړې دواړه اړخونه وګورو هريوخپل مسؤليت لرې موږدجنګ يوه اړخ ته نسوویلای چې ستاجنګ مانانلرې که دجنګ منطق ته وګورو نوترډيره جنګ په طالبانويا په افغانانوپورې اړه ن� �رې دلته جنګ تحميل سوې اوتعرضې جنګ دی، دطالبانولپاره يوازې دفاعې حالت دی زه فکرنه کوم چې دابه منطقې خبره وې چې دجنګ يوطرف دې ددفاع حق ونلرې اونه داممکنه ده چې جنګې اړخونه دې دتل لپاره په دفاعې حالت اکتفاء وکړې، که موږدجنګ سياسې اړخ ته ورسونوله اوله بايددجنګ اقدام نه وای سوی هغه مشکل چې دسيپتمبر په يولسمه رامنځ ته سو په سياسې اوډيپلوماتيکي ډول او لاروبايدورته دحل لاره پيداسويوای خودجنګ پريکړه له پيله غلطه پاليسي وه چې ورته ت� �جيح ورکول سوه،که موږدبرتانوې اوامريکايې عسکروروحيه وګورو چې دلته دهغه هيواد دشهذاده ګانوپشمول دهولې وا� �(Holy war) ياددوی په خوله دمقدس جهاد په شعارباندې افغانستان ته راځې زموږ دوروڼوپه ورژلوکې ثواب غواړې دابه له انصافه لرې وې چې موږهغه اړخ ته چې دخپل ځان اوعزت ددفاع په نامه خپل په هيوادکې دفاعې مبارزه کوې باطل ووايو.

بېنوا : ضعیف صاحب د ځان وژونکو بریدونو په اره ستاسو نظر څه دی؟

ښاغلي ضعیف : دغه حملې چې اوس په افغانستان اودنړۍ په نوروهيوادونوکې کيږي په عربې ژبه ورته استشهادې بریدونه وايې ځکه هغه څوک چې حمله کوې په دې نيت چې طلب دشهادت يې غرض وې زه دداسې حملوشرعې اړخ ته نه ورځم ځکه زماعلم دومره ندی چې په داسې مسائلوکې فتوی و� �کړم همدارنګه ترډيره دغه استفتاپه هغه چاپورې اړه لرې چې داسې قربانۍ ته خپل ځانونه تیاره وې. مګرپه سياسې لحاظ دومره ویلای سم چې په اوس جنګونوکې هيڅ انډول ندي مراعات سوي دلته دهغې تکنالوژی چې له اسمان سره خبرې کوې اودهغه غريب هیوادترمنځ جګړه پيل سوه چې دکارستنه هم نسې جوړولای همداسبب کيدای سې ددې لامل سوی وي چې خلک خپل ځانونه دوسلې په توګه استعمال کړې لکه څنګه چې ددې بريدونه لپاره فلسطینې مجاهدينوته علماء کرامو دجوازفتوی و� �کړې وه ترڅوددښمن نه غچ واخلې، مګرداچې ملکې وګړوته پکښې مرګ ژوبله رسيږي بايدهرڅوک دداسې حملوسره ډيرمحتاط اوسې چې عامه خلکوته پکښې تاوان رسيږي هرسړی په دې مکلف دی چې دعامه خلکودوژلوډډه وکړې په تيره دمظلومواوبې څ ښتنه افغانانوچې هيڅ څوک يې ږغ نه اورې اونه څوک غمخورلرې ډير زړه سوی پکاردی، پاته داخبره چې څوک دښمن ته ووايي چې ته بایدهغه وسله استعمال نکړې چې په هغه کې ډيره مرګ ژوبله وې اوهغه په خپله دداسې وسلوداستعمال نه ډډه نکوې هيڅ وخت کومه نتيجه نلرې.

بېنوا: ضعیف صاحب دا راته ویلای سی چي د افغانستان اوسنۍ کشالې ته د حل لاری کومي دي؟

ښاغلی ضعیف : زماپه نظرددې مغلقې ستونزې حل لاره زموږسره نسته ځکه چې موږټول یرغمل سوې يو په داسې وخت کې ګرانه ده چې موږدځان په اړه تصميم نسونيولای دافغانستان په اړه تصميم ونيسو،کله چې موږداخبره ومنوچې موږ په خپل دغه موقف سره ورته دحل لاره نسوموندلای معلومه خبره ده چې داکارترډيره ترخارجې نيواکګروپورې اړه لرې خوهغوی هم دانسې کولای چې په خپلومغزوسره دالاره پيداکړې چې هرڅه ددوی دخوښې مطابق ترسره سې اوياپه خپل قوت سره هرڅه هوارکړې هغوی هم ددې حل لپاره که غواړې بايد دوه کارونه ترسره کړې اول داچې هغوي داومنې چې موږپه زورسره دغه جنګ نسو ګټلای دويم داچې هغوي داخبره ومني چې دوی نوردسولې فوجونه نه بلکه دجنګ يواړخ دی، که هغوی داخبره ومنې نوبيالازمه ده افغانانوته داسې فرصت ورکړې چې افغانان ورباندې پوره ډاډه سې چې دوی دخپل راتلونکې برخليک په اړه فيصلې کولای سې داسې فيصلې چې په عمل کې کې هم ډاډينه ولرې که دنظام اوبرخليک په اړه وې اوکه دخارجې یرغلګروپه اړه وې، داچې يوسړی دې  دزرګونوانسانانوسخت زړه قصاب قاتل وې اوهم دې دسولې اوبشردوستی ټيکه داروې دادوه م تضادصفتونه دې داپه يوه وخت کې نسې سره یوځای کيدلای بایدددې دوو متضادونقتوترمنځ توپیرموجودوې. که داکارپه سو� �ييزډول ونسې يادغه ابتکاريرغلګراړخ ترسره نکړې دويمه لاره يې په عقلې ډيره اوږده معلوميږي چې هغه ديوه اړخ ګټل اودبل ماته ده چې هم به اوږدواټن اوهم به خونړی څپې ولرې.

بېنوا :  د جمهور ریس حامد کرزي د ماموریت دوره څنگه ارزوی؟

ښاغلی ضعیف : دغه دوره لکه وړاندې چې مې ورته اشاره وکړه منفې اومثبت اړخونه لرې زه دکرزی پرشخصيت خبره نکوم خوزه دادوره دافغانستان لپاره دسولې اوثبات دوره نسم بللای په ځانګړې توګه دادوره ددې داکثريت وګړولپاره دبدبختيوډکه وه چې تراوسه پورې همدابدبختې دوام لرې، داترډيره دکرزې ګرمه نده چې دده په سبب ناکامه دوره وبلل سې داپه حقيقت کې ترډيره دناوسی خبره ده چې په اعتراف کولويې خوله سوزې، که دکرزی په ځای بل څوک وې هم دژړااواستعفاپرته څه نسې کولای ځکه چې دنړيوالود اشرغړې دهيڅ افغان ترکنټرول لاندې نه دې، خوددې مانادانه ده چې ددغې ادارې واکمنان بيخې سپيني کوترې اوبې مسؤليته وبلل سې دوی دالله اوبيادولس په وړاندې ډيردروند مسؤ� �یت لرې لکه څنګه چې مناسب وه هغوی خپل مسؤليت نه دی اداکړی دوی دخارجې یرغلګرودهرعمل په ثواب اوګناه کې شريک دې. په پای کې دټولوواکمنوانسانانونه هيله کوم چې زموږددغه هیوادپربې وسه اوبې وزله ولس زړه وسوزې دهغوی دبيځايه کړاونوڅخه ډډه وکړې

بېنوا : ښاغلی ضعیف صاحب داچي بېنوا ټيم ته مو دونه وخت ورکړ تر څو دخپلو � �وستونکو د غوښتونو سره سم ستاسي سره یو مرکه وکړي ډیر منندویه مو یو .