BMW X5 موټر ځان خپله پارک کوي
په بېنوا کي دلیکني شمیره : 2717عبدالله احسان
دخبریدو نیټه : 2005-05-03
١٣_ غويي ١٣٨٤ عبدالله احسان - هالنډ
د هالنډ تر ټولو غټي ورځپاڼي تلګراف د بي ايم ډبليو الماني موټرجوړولو فابريکې له خوا نن د ٢٠٠٥ کال د می دمياشتي پر دريمه خبر ورکړی دی چي د بي ايم ډبليو ايکس ٥ موټرونو لپاره يو داسي نوی سيسټم جوړوي چي موټر چلوونکی به اړتيا نه لري موټر پارک کړي . 
په دې چل سره به موټر خپله پارکنګ پيدا کوي او خپله به پارک کيږي ، د موټر پارکنګ پيدا کولو او پاک کېدلو په وخت کي چلوونکی د موټر شترينګ او بريک دواړه اتومات مرستندوی ( هيلپر ) ته سپاري .
موټر چلوونکی به چيري چي غواړي موټر پاک کږي يوه سره کيلي ( بټن ) وهي ، موټر دځانګړي سانسور ( لټوونکي مشين ) په مرسته د سړک دواړو خواو ته ګوري چي يو داسي پارک ځای پيدا کړي تر څو موټر په کي ځای شي . موټر دا هم ځانته څرګندوي چي په خالي پارک ځای کي دده دځايدو وړتيا شته که نه ، هغه ځای ته نه ننوزي چيري چي نه ځايږي، لومړۍ وهل شوې کيلي چي په منځ کي يې سور څراغ بل کيږي د پارکنګ تر پيدا کولو پوري سور پاته کيږي او کله چي پارکنک پيدا کړي زرغون کيږي . او په دې وخت کي موټروان شترينګ اوبريک دواړه خوشي کوي او د موټر اتومات سيسټم دموټر چلولو ، شامخ ته تللو او شترينګ ګرځولو کنترول په واک کي اخلي .
د بي ايم ډبليو موټرجوړولو کمپينۍ ددې ډول موټرانوپه ازموينه بوخته ده ، او نه يې ده څرګنده کړې چي له کله نه دا اله بي ايم ډبليو ايکس پايف موټرونو ته ولګوي .
