دکندهاردطبي ډاکترانودټولني په نوښت دتنباکوپه خلاف طبي کنفرانس دايرسو

ولي شاه طبيب

نن چه دتنباکوپر خلاف نړيواله ورځ دنړي په هرګوټ کښي نمانځل کيږي ،دکندهاردطبي ډاکترانو ټولني دکندهار ښاري پولي کلينيک دکنفرانسونو  په کوټه  کښي  دتنباکو پرضد طبي کنفرانس داير کړ ،  کنفرانس دپاک اوبي نيازه خدای ج په نامه يادولو سره شروع سو ، دکنفرانس په شروع کښي دکندهار دعامي روغتيا مرستيال او دکندهاردطبي ډاکترانو دټولني رئيس داکترعبدالجبار دتنباکو پرضد دنړيوالي ورځي اهميت  او موخي وبرخوالو ته بيان کړه ، وروسته ډاکترپاينده محمد ارغندابی دتنباکوداضرارو په هکله جامع ،طبي کنفرانس ورکړ ، نوموړي دتنباکوو داستعمال لنډه تاريخچه ، دتنباکو ناوړه اغيزي دوجود برمختلفو اعضاوو بيان کړي ،همدارنګه ډاکتر ارغندابي دتنباکو ناوړي اغيزي دماشومانو ،ميندو او بالاخره په ټولنه کښي بيان کړي  او دتنباکو دپريښولو لاري چاري يي واورولي ، دکنفرانس په اخيره کښي دبرخوالو پوښتنو ته جوابونه وويل سول . په ختم کښي دکندهار دطبي ډاکترانو ټولني   رئيس ډاکتر عبدالجبار دډاکتر ارغندابي څخه  مننه وکړه او وي ويل چه نوموړي ټولني  وړانديز کړيدی چه  دکندهار په ټولو روغتيايي کلينيکونو او روغتونو کښي دي  دتنباکوو پر استعمال بنديز ولګول سی ،  دکندهار دروغتيايي هم اهنګي کميټي نوموړی وړانديز منظور او دعامي روغتيا رياست ته يي دعملي اقدام لپاره وړاندي کړ ، دعامي روغتيا رياست په خپل وار ټولو کلينيکو ته رسما خبر ورکړ چه دتنباکوو استعمال په کلينيکو کښي منع دي