Benawa :Online Pashto World ~ بېنوا : پرلیکه پښتو نړۍ
لاسي توګه xp وینډوز اپډیټ کړئ .
په بېنوا کي دلیکني شمیره : 32881تېمورشاه یوسفزی - هرات
دخبریدو نیټه : 2010-02-10
ددې لپاره چي خپل کمپیوټر له بېلابیلو وایروسونو او هکرانو څخه خوندي وساتئ ، تاسو باید خپل انسټال سوی وینډوز هرکله داخیري امنیتي فایلونو په ذریعه اپډیټ کړئ .
که تاسو تر دې مهاله دوینډوز ایکس پي Automatic-Update خصوصیت نه وي فعاله کړئ ، باید داپډیټولو فایلونه چي ورته Patch ویل کیږي ، په لاسي توګه ډونلوډ کړئ .
دډونلوډېدو لپاره ئې دغه لاره تعقیب کړئ .
۱:- انټرنیټ ته وصل سئ .
۲:- دانټرنیټ ایکسپلورر (IE) پروګرام راخلاص کړئ .
۳:- په ادرس بکس کي دغه پته ټایپ کړئ .
http://windowsupdate.microsoft.com
په یاد ولرئ ، چي ددې آدرس سره د www توري ټایپ نه کړئ .
۴:- کله چي دوینډوز داپډیټولو پاڼه راښکاره سوه ، لومړی به تاسو ته دهغو پروګرامونه دانسټالېدو کړکۍ ښکاره کړي، چي اوسمهال کېدای سي ستاسو کمپیوټر کي شتون ونه لري ، کله چي نوموړي پروګرامونه یو په یو انسټال سول ، بیا به دمایکروسافټ داپډیټولو اصلي پاڼه راښکاره سي .
۵:- په دې پړاو کي وینډوز اپډیټ ټوله کمپيوټر سکنوي (Scan) ، او هغه امنیتي فایلونه چي شتون ونه لري، دهغه دډونلوډېدو سپارښته کوي .
یادونه :
تاسو ته سپارښتنه کیږي چي لومړی د Service Pack فایلونه کښته کړئ ، ځکه دغه فایلونه دمهمو فایلونو له جملې څخه ګڼل کیږي ، او ددې په ذریعه ستاسو کمپيوټر تعمیریږي
