ازادۍ راډيو خپلو اتلو اورېدونکو ته سوغاتونه وويشل

فريشته جلالزۍ – کابل

د ازادی راډیو اتلان وټاکل ، په ټول افغانستان کی دکندهار اتل ترټولو  ستري او د پام وړ کارنامې لرلې .

د اتلانو د ټاکلو سیالي له کابو تیرو دوو میاشتو د راډیو له لاري پیل شوې وه

په زرهاوولیکونه له دې لاری راډیو ته را ورسیدل او په دی لړکي په سل هاوو اتلان د راډیو له لاري معرفي شول .

هرچا هغه څوک ازادي راډيو ته اتل ورپېژانده ، کوم چي اتل ورته ښکارېده .

د ازادی راډیو له لاری دسیمیزو اتلانو پدې سیالۍ کي ترټولو غوره لیکونو او ریښتونیو کیسو ته جایزې ور وویشتل سو ې .

د جایزو د ویش په ورځ د راډیو له خوا د کابل داستقلال دلیسې په تالار کي غونډه جوړه شوې وه چي لوړپوړي افغان حکومتي چارواکي ، په کابل کي د امریکې د سفارت د فرهنگي چارو مشر ، په کابل کي د نړیوالوسوله ساتو ځواکونو ویاند، یو شمیر مطبوعاتچیانو ، فرهنگیانو ، لیکوالانو او د راډیو د کارکونکو د کورنیو ځینو غړو برخه لر له .

د راډيو د تمثيل د برخي همکارانو د ستېج پر مخ ډرام ولوباوه ،  اوافغان سندرغاړی عبدالله کندهاري سندري وبللې .

دټول افغانستان د اتلانو له ډلي لومړی ځای د کندهار اتل ته ورکړل شو .

اتل شمس الله تراتلسو  زیات هغه ځوانان چي په نشو روږد  وو بیرته عادي ژوند ته راگرځولي وو او هغوی ته یې د عادي ژوند کولو امکانات برابرکړي و .

شمس الله اتلس کلن ځوان دی چي د کندهار ښار د لو والې په سيمه کي  اوسي  او هلته د پنبې ( پختې )  د وریشولو فابریکه لري .

اتلانو ته د ازادۍ  راډیو د پراگ د دفتر مشري شریفې شریف ، او دکابل دفتر ریس محمد امین مدقق  جایزې ورکړې .

د لومړي نمبر گټونکي ته یو جاپانی جنریتر ، له دوهم نه  تر شلم نمبر ګټونکي پوري  يو ، یو چینایی بایسکل اود سیالۍ پاته برخوالو ته د راډیو یوه ، یوه تصویري کلیزه له یوې  راډیو سره ورکړل شول .

د پورتنيو عکسونو غټه بڼه د همدې پاڼي په انځورونو کي کتلای شی