هیواد: اسټرالیا
سرچینه: افغان غږ راډیو
سیار ده سبزی
په اسټرالیا کې د افغان غږ راډیو د افغانستان د حالاتو به باب یوه تبصره خپره کړي چې ستاسو پام ورته را ګرځوو.
د جون به دیرشمه نیټه د نیوزلند لومړي وزیر ښاغلي جان کې د اسټرالیا د دولت هغه غوښتنه رد کړه چې په هغې کې د نیوزلنډ د هیواد څخه غوښتل شوي وو چې دغه ملک د افغانستان د ارزګان ولایت ته یو څو سرتیري واستوی تر څو د اسټرالیایی سرتیرو سره په اصطلاح د ترهګرۍ پر وړاندي په روانې مبارزې کې ونډه واخلي.
د نیوزلنډ لومړي وزیر دغه وړاندیز د دې لپاره رد کړی دی چې هغه ویلي دي چې دی فکر نه کوی چې د ناټو او ایساف په قیادت روانه جګړه وګټل شي.
د نیوزلنډ د مشر ښاغلي key دغه وینا چې په افغانستان کې طالبان بریالي کیږي بي له شکه چې القاعده او د پاکستان استخباراتي ادارې شان ته ډلو ټپلو ته غلط پیغام رسوي چې ګنې یو ځل بیا طالبان په هغه ملک کې د چارو واګی به لاس کې اخلي.
د نیوزلنډ لومړي وزیر ویلي دي چې د استرالیا پخواني لومړي وزیر ښاغلي کیفون روډ له ده دغه غوښتنه تیر کال کړي وه .
ښاغلی key د خپلو دلایلو په څرګندوو کې دا هم ویلي دي چې ده ښاغلي حامد کرزي اداره له فساد څخه ډکه ده او نه غواړي چې د نیوزلنډ ځوانان د هیڅ لپاره په افغانستان کې ووژل شي.
د یادونني وړ ده چې د نیوزلنډ هیواد په روان وخت کې ۲۱۰ سرتیري د افغانستان په مرکزي ولایت بامیان کې لري .
د نیوزرلنډ مشر وویل چې اورزګان ته د ده د هیواد د سر تیرو استول پرته له دې چې د دوي ټولو سرتیرو ته ګواښ متوجه کړي بله ګټه نه رسوي.
په افغانستان کې په دولتي چارو کې فساد او بي ایماني د دغه هیواد په تاریخ کې یوه بي ساره پدیده پتیل شوي ده .
اوس لویدیځ او په خپله افغانان په دې خبره موافق شوي چې د جمهور ریس کرزي د کابینې غړي او د حکومت لوړ پوړي چارواکي د فساد او بډط اخیستو اصلي سرچیني دي.
او دغه ناشوني هره ورځ د حکومت او نړیوالې ټولنې لپاره بي اعتباري پیاوړي کوي.
د انګلستان د وسله وال پوځ لوی درستیز جنرال دیوید ریچاردز پخوا عیده څرګنده کړي وه چې دوي کولای شي چې د طالبانو سره د سولې د خبرو له لیاري زیاتې لاس ته راوړني ولري تر هغې چې د کرزي مات ګوډ نظام روغ کړي خو د جنرال ستنلي مک کرستال په لري کولو سره اوس طالبانو پیغام خپور کړی دی چې دوي د افغانستان جګړه ګټي او له همدې امله نه غواړي چې د افغان دولت سره د سولې خبري وکړي.
تیره میاشت په افغانستان کې د بهرنیو قواوو لپاره تر ټولو خونړۍ میاشت وه .
تیره میاشت ۱۰۳ بهرني سرتیري وژل شوي وو او په دې کې د استرالیا سرتیري هم خپل ژوند له لاسه ورکړی وو.
په افغانستان کې استرالیایې سرتیري د هغه هیواد د پولیسو او امنیتي ځو اکونو د روزني لپاره هڅه کوي چې دغه اقدامن د دافغانستان لپاره حیاتي اهمیت لري خو د پاکستان ای اس ای نه غواړي افغانان خپل مدافع وسله وال پوځ ولري .
په دغه بیهر کې په خپله د ناټو او د بهرني سرت یرو ستراتیژي هم تر ډیره حده ناسمه ده، ځکه که چیري دوي د خپلو عملیاتونو له لاري د بي ګناه افغانانو د مرګ ژوبلي سبب ګرځي دي په حقیقت کې د خپل ژوند سره لوبي کوي.
په افغانستان کې د بهرنیو ځواکونو نوی ټاکل شوی امریکایی جنرال دیوید پتریوس کابل ته په را رسیدو سره دا خبره یې بیا نوي کوي چې دوي به د بي ګناه وو افغانانو د وژلو څخه په کلکه ډډه کوي لیکن تجربي ښودلي ده دوي د دغو ادعا وو سره سره په ملکي وګړو مرګ ژوبلي اړولي دي.
ګرانو اوریدونکو!
افغانان دا عقیده څرګندوي چې د جنګ دوام د دوي په هیواد کې د ښکیلاک ګرو د شتون او په دې خاورې کې د لار میندلو لپاره ور پرانیزي .
د دې لپاره چې افغانستان او جهان د ای اس ای او القاعدې له مصیبت څخه خلاصون ومومي د فلسطین لانجې ته د پام وشي او ورسره ورسره دي د اسلام آباد چارواکو ته د وویل شي چې د افغانانو د صبر جام مخ په نسکوریدو دی او نشي کولای چې په خپل ملک کې د دوي د جنایتونو او لمسونو پر وړاندي لاس تر زنې کښینې.
افغانستان د با عظمته ولسونو او قومونو ګډ کور
دغه تبصره د افغان غږ راډیو له لیارې د ۲۰۱۰/۷/۳ کې ۱۴۰۰۰ افغانانو ته واورول شوه.