راز او نیاز

د لوی خدای ج سره د نوي زیږدونکې ماشوم راز او نیاز یو ماشوم چې د زیږیدلو وخت یې را نږدي وو د خدای ج حضور ته ورغی او له هغه یې وپوښتل ؟ ویل کیږي چې سبا ما ځمکې ته لیږې، اما زه په دغه کوچنوالي کې بیدون له هیڅ مرستې څنګه کولای شم هلته ولاړشم ؟ خدای ج ځواب ورکړ: ما د ډیر شمیر فرښتو له منځه یوه فرښته ستا د کومک لپاره ګومارلې ده ، هغه به ستا نه حفاظت کوي، اما ماشوم تر اوسه اطمنان نه درلود چې ولاړشي او که نه ویې ویل : زه دلته په جنت کې بیله خندا او آوازونو ویلو بل کار نه لرم دغه زما د خوشحالتیا لپاره کفایت کوي. خدای ج موسکی شو ویې ویل : ستا فرښته به تاته آوازونه ووایي تاته به موسکی کیږي ته به د هغه مینه احساس کړي او خوشحاله به وي . ماشوم خبرو ته ادامه ورکړه : زه څنګه کولای شم پوه شم ، خلک څه وایې پداسې حال کې چې زه د هغوی په ژبه نه پوهیږم ؟ خدای ج هغه ته تسلي ورکړه او ورته یې وویل : ستا فرښته به ستا په غوږونو کې ډیر ښکلې کلمات چې ستا خوښ وي ووایې او په ډیر دقت او صبورانه توګه به تاته خبرې کول در زده کړي. ماشوم په ناراحته ژبه وویل : اما کله چې زه غواړم ستا سره خبرې وکړم ، څه به کوم ؟ خدای ج د ماشوم ددې خبرې لپاره هم ځواب درلود او ورته یې وویل : ستا فرښته به ستا لاسونه یو بل ته نږدي سره ونیسي او تا ته به دا زده کړي چې څرنګه دعا وکړي. ماشوم سر و ښورولو او ویې ویل : اوریدلي مې دي چې په ځمکه کې بد خلک هم ژوند کوي ، نو څوک به له مانه ساتنه کوي؟ خدای ج ورته وویل اي ښکلیه ماشومه : فرښته به دې له تانه ساتنه وکړي حتې که د هغه ژوند ته هم خطر وي . ماشوم په ډیره نګرانی سره خبرو ته ادامه ورکړه : اما زه به د تل لپاره لدې نه ناراحت وم چې بیا به تا و نه وینم . خدای ج بیا هم موسکی غوندې شو ورته یې وویل : ستا فرښته به همیشه له تا سره زما په باره کې خبرې کوي او تاته به دا زده کړي چې څرنګه بیا له ما سره ووینې،اګر چې زه هم همیشه ستا په څنګ کې یم . پدغه وخت کې په جنت کې آرامې خوره وه ، اما له ځمکې څخه آوازونه راتلل. ماشوم وپوهید چې باید زر ترزره خپل سفر پیل کړي. هغه په ډیره آرامی سره یوه بله پوښتنه له لوی خدای نه وکړه : دا چې زه باید همدا اوس ولاړ شم نو زما د فرښتې نوم ما ته و ښایه؟ خدای ج د هغه په سر لاس کش کړ او ځواب یې ورکړ ستا د فرښتې نوم مهم ندی کولای شې هغه ته په «««« مور »»»» سره غږ وکړي د نړیوال جال له یوې پاڼې څخه ژباړه