بادام ګل مشاعره په زابل كي جوړه شوه

خلیل الله سروري :

بادام ګل مشاعره د ۱۴۸۴ كال د كب پر ۲۷ مه د شنبې په ورځ په زابل كي جوړه شوه .

دا دوديزه مشاعره د تېرو درو كلونو راهيسي په زابل ولايت كي د هغه ځاى دمېشتو آزادو فرهنګيانو له خوا جوړېږي، چي د سمبالښت چاري يې هلته د مېشتي ترنك ادبي ټولني پر غاړه وي، سږكال هم دا مشاعره د زابل ولايت او شاوخوا ولسواليو سربېره د غزني، هلمند، كابل، وردګو او كندهار ولايت شاعرانو او فرهنګيانو په ګډون د هغه ولايت په شېخ متي لېسه كي جوړه شوه چي سلګونو د شعر او ادب مينه والو او يو شمېر دولتي چارواكو هم برخه پكښي اخيستې وه .

د غونډي د لومړۍ برخي د ويناوو پر مهال د هغه ولايت د امنيې كومندان جنرال ملاخېل او له هغه ولايت څخه د مشرانو جرګې ته ټاكل شوي سناتور ډاكټر زلمي د دغه ډول فرهنګي هڅو د ملاتړ او همكارۍ ژمني وكړې . د ترنك ادبي ټولين مشر سيداجان غمخور د خپلو خبرو په ترڅ كي وويل چي كاشكي د زابل ولايت د اطلاعات او كلتور رئيس هم برخه لرلاى، ده زياته كړه چي دوى به په دې سيمه كي خپلو فرهنګي هڅو ته دوام وركوي وروسته يو په بل پسي شاعرانو د بادام ګل په اړه او هم آزاد شعرونه وويل چي د ګډونوالو په چكچكو او احساساتو بدرګه كېدل .

د مشاعرې غونډه د غرمې پر يوه بجه پاى ته ورسېده او مېلمنو د ترنك ادبي ټولني له خوا په باباولي هوټل كي په تياره شوې مېلمستيا كي ګډون وكړ.

مارچ 20, 2006	مارچ 20, 2006	مارچ 20, 2006	مارچ 20, 2006
مارچ 20, 2006	مارچ 20, 2006	مارچ 20, 2006	مارچ 20, 2006
مارچ 20, 2006	مارچ 20, 2006	مارچ 20, 2006	مارچ 20, 2006

مارچ 20, 2006	مارچ 20, 2006	مارچ 20, 2006	مارچ 20, 2006
مارچ 20, 2006	مارچ 20, 2006	مارچ 20, 2006	مارچ 20, 2006
مارچ 20, 2006	مارچ 20, 2006	مارچ 20, 2006	مارچ 20, 2006

مارچ 20, 2006

مارچ 20, 2006