په ښکلي هلمند کي دريمه بګړۍ . . .

د افغانستان د هلمند ولايت څخه د بست فرهنګي ټولني د خپلواکي ، کلتوري درې مياشتنۍ خپروني د لومړي کال پرله پسې درېيمه ګڼه چاپ او اوس د بېنوا ويبپاڼي له لاري د لوستلو جوګه شوه .

دبګړۍ ځوان فرهنګپال چلوونکي هڅه کوي بګړۍ د انټرنټ اسانتيا درولودونکو هيوادوالو ته د نړۍ تر ګوټ ګوټ پوري ورسوي ،د بېنوا ويبپاڼي خپرنيزه څانګه په هيواد کي خپرېدونکي خپروني له کبله پرليکه کوي چي يو خو يې په ټوله نړۍ کي لوستونکو ته لوستل او ترلاسه کول اسانه شي ، او مهم لامل يې دادی چي درانه هيوادوال له دغه فرهنګدوستو زلميانو سره همکاري او لاسنيوی وکړي تر څو هغوی په خپلو کلتوري چوپړونو کي د پرمختګ ګړندي ګامونه واخستلای شي  .

د بست فرهنګي ټولنه چي څه د پاسه يو کال وړاندي د هلمند په ولايت کي راڅرګند شول او د کلتوري خدمتونو لپاره يې مټي راونغاړلې په هيواد کي دننه او بهرنۍ نړۍ کي له ټولو درنو هيوادوالو او د افغاني ادب او کلتور د پرمختګ له مينه والو د مادي او معنوي لاسنيوي بلنه ورکوي  .

درانه ليکوال ، فرهنګپال اوفرهنګيان که غواړي ( بګړۍ ) مجله تر لاسه کړي ، او يا خپل يې په خپلوفرهنګي او ادبي ليکونو ، شعرونو ، او کيسو ونازوي په لاندي پتو اړيکي ټينګولای شي .

د افغانستان اونږدې هيوادونو لپاره :
پوستي پته :

بْست فرهنګي ټولنه
سباوون مارکېټ
نوي بلاکونه ، د لېسې چوك
لښکرګاه ښار ( افغانستان )
.برېښناليک : bagraipashto@yahoo.com       helmandbost1382@yahoo.com
تيلفون :               009370327658                 009379176632

( بګړۍ ) درې مياشتنۍ ادبي خپرونه
د امتياز څښتن  :        بريالی هلمند
مسوول چلوونکی :   راز محمد نظامي