عبدالله احسان ( فرانکفورټ )
دغه ځای کښېکاږئ او ددې غونډي لنډيز په ويډيو کښي وګورئ
دغه ځای کښېکاږئ او يډيو په لوړ کيفيت وګورئ
په اروپا کي دافغاني کلتوري ټولنو د ګډې جرګې له خوا نن د ٢٠٠٤ کال ډسمبر پر دولسمه نېټه دماپښين پر دريو بجو د جرمني د فرانکفورټ په ښار کي د ارواښاد علامه رشاد د د ياد او دعا غونډه جوړه شوه .
په دغه غونډه کي دجرمني له بېلابېلو ښارونو او له يوشمير اروپايي هيوادونو څخه ګڼ شمير افغان ليکوال، شاعران او فرهنګپال راغونډ شوي وو .
غونډه د مولوي سادات له خوا د قران عظيم الشان د مبارکو ايتونو په تلاوت او د دعايې په لوستلو پيل شوه. دغه ياد غونډه په دوو برخو ويشله شوې وه .
په لومړۍ برخه کي په اروپا کي د بېلابېلو افغاني کلتوري ټولنو پيغامونه ولوستل شول او د ارواښاد استاد علامه رشاد پر ژوند او اثارو خبري وشوې .
دلومړۍ برخې په پيل کې د غونډې چلوونکي او په فرانکفورت کې د افغانستان د کلتوري ودې ټولنې مسوؤل ښاغلي عاشق غريب خبرې وکړې او بيا يو په بل پسې په اروپا کې د بېلابېلو کلتوري ټولنو د مشرانو او استازيو له خوا د ټولنود خواخوږۍ پيغامونه واورول شول.
د افغانستان د ولسي جرګې پخواني وکيل ، ټولنيز شخصيت او قومي مشر ښاغلي کمال الدين اسحاق زي د ارواښاد استاد په باب لنډې خبرې وکړې .
په اروپا کې دافغاني کلتوري ټولنو د ګډې جرګې پيغام ښاغلي افضل ټکور ولوست ، ورپسې په بلجيم کې د افغانانو د پوهاوي، مرستي او پيوستون ټولني پيغام د ښاغلي امين باوري له خوا واورول شو . په هالنډ کي د افغاني کلتوري ټولني پيغام ښاغلي نظيف تکل ، او په کندهار کي د بېنوا فرهنګي ټولني پيغام په اروپا کي د ټولني استازي عبدالله احسان ولوست .
ښاغلي سعادت ملوک ازاد دافغانانو د کلتوري پرمختيا ټولني پيغام واوراوه . او په جرمني کي د افغانستان دکلتوري ودې ټولني پيغام د ښاغلي ډاکټر محمد صابر له خوا واورل شو . تر دې وروسته دجرمني د مونشن ښار څخه دخپرېدونکي مجلې ( عقاب اريانا ) مسوؤل مدير ښاغلي ډاکټر سرور رونا داستادپر ژوند ليک مفصله رڼا واچوله . بيا افغان ژورناليسټ اوليکوال ښاغلي عبدالمحمد مموزي د استاد دشخصيت پر ځينو اړخونو خبري وکړې .
اوبيا سياسي څېړونکي ښاغلي شاه محمود حصين دارواښاد استادعلامه رشاد او ويښو زلميانو په اړه مقاله واوروله .
ورپسې ښاغلي ډاکټر خوشال روهي د ارواښاد استاد علامه رشاد د ځينو اثارو په باب خبري وکړې . ښاغليو اميرمحمد ګران او خالد دياني هم په دغه مناسبت خپلي ويناوې واورولې .
د لومړۍ برخې په پای کې په اروپاکي دافغاني کلتوري ټولنو د ګډې جرګې مشر ښاغلي زرين انځور دارواښاد استادعلامه رشاد د ناچاپه اثارو دارزښت په اړه خبري وکړې او د نوميالي شاعر ښاغلي پيرمحمد کاروان هغه شعر يې هم د غونډي برخه والو ته واوراوه چې استادرشاد ته يې ډالۍ کړی و .
دغونډي برخه والو ته د هيواد د نوميالي ليکوال ، څېړونکي، کره کتونکي او په اروپا کښي د افغاني کلتوري ټولنو د ګډي جرګې د مشر ښاغلي زرين انځور وينا 
تاسو دغه وينا خپل کمپيوټر ته هم کښته کولای شئ !
د غونډي په دويمه برخه کې د هيواديوشمير شاعرانوخپلي هغه ويرنې واورولې چې داستاد پرمړينه يې ليکلي وې. ددې برخې چلوونکی ښاغلي نظيف تکل و . اودغو ښاغليو شاعرانو خپل شعرونه واورول :
د مشاعرې لومړی شعر دښاغلی عبدالوهاب سرتير په ږغ کښي تاسو دغه شعرونه خپل کمپيوټر ته هم کښته کولای شئ !
وهاب سرتېر ، عاشق غريب ، مبارز څاپی ، طلاباز حبيبزی ، نيازمند ، اورنګ اباسين او يو شميرنور .
په غونډه کښي زيات شمير برخه والو په هغه ځانګړې کتاب کښي چي د ارواښاد استاد علامه رشاد د وير لپاره ځانګړی شوی وو ، خپلي ويرني او خاطرې وليکلې ، ددې درنې غونډي په پای کې ښاغلي عبدالمجيد اباسين د قران عظيم الشان څو مبارک ايتونه تلاوت کړل او غونډه يې د يوې دعايې په لوستلو سره پای ته ورسوله .
غونډه په انځورونه کي
