په کندهار کي د لوى احمدشاه بابا ياد غونډه جوړه سوه

په کندهار ولايت کي د افغانستان د بنسټ ايښودونکي ((لوى احمدشاه بابا)) له ژوندليک څخه د يوې څېړنغونډي په ترڅ کي يادونه وسوه.
دغه څېړنغونډه چي د کندهار ولايت د مشورتي - اصلاحي جرګې او د کندهار اطلاعات او کلتور رياست په نوښت د کندهار د و� �ايتي شورا په انګړ کي جوړه سوې وه، د کندهار د يو شمېر ليکوالو ترڅنګ د ځينو ولاياتو ليکوالو هم ګډون پکښي کړى و، غونډه د قران مجيد له تلاوت څخه وروسته د جمهوري رياست او اطلاعات او کتلور وزارت په پيغامونو رسماً پ� �انيستل سوه، وروسته تر دې يو شمېر ليکوالو د خپلو څېړنيزو مقالو په ويلو سره د لوى احمدشاه بابا د ژوند پر سياسي، اجتماعي، ادبي او پوځي اړخونو باندي رڼا واچول، ابدالي احمدشاه بابا يې په خپلو مقالو کي د نوي افغانستان بنسټ ايښودونکى او ستر امپراتور وګاڼه، له بلي خوا د کندهار د اطلاعات او فرهنګ رئيس عبدالمجيد بابي بېنوا ويبپاڼي ته وويل: د دا راز علمي غونډو جوړول د ځوان نسل د ذهني روښانتيا لپاره يو اغېزمن ګام د� �.
ده د خپلو خبرو په دوام سره وويل: چي د دې څېړنغونډي په پاى کي د ځانګړي نوي ټاکل سوي جرګه ګۍ له خوا پرېکړه � �يک خپور سو، چي په هغه کي له دولت څخه غوښتنه سوې ده، چي د لوى احمدشاه بابا د زيارت شاوخوا سيمه دي پارک ته و� �ف سي، او د احمدشاه بابا کور دي دولت رانيسي او موزيم دي يې کړي، او دريم دي د لوى احمدشاه بابا د علمي آثارو � �اټولول او چاپول پکښي شامل وه.
د يادوني وړ ده چي لوى احمدشاه بابا د ژوند پر پنځه ويشتم پسرلي په کال ١١٦٠ هـ سپوږميز په کندهار کي د ټولو اقوامود مشرانو له خوا له اته ورځنۍ پرله پسې غونډو وروسته د کندهار په شيرسرخ سيمه کي هغه مهال د افغانستان عمومي پاچا انتخاب سو، چي صابرشاه کابلي ملنګ يې په سر کي د غنمو وږى وټومبه.
� �وى احمدشاه بابا واکمنۍ ته له رسېدو وروسته د حکومت واګي تر بخارا، اصفهان او ډيلي پوري ورسولې او په کال ١١٨٦ هجري کي د يوې ناڅرګندي ناروغۍ له امله د لوى کندهار د ((توبې)) په سيمه کي ومړ او د اوسني احمدشاهي کندهار ښار په مرکز کي خاورو ته وسپارل سو، چي پر ځاى يې مشر زوى تيمورشاه درانى پر تخت کښېناست.