نن د ٢٠٠٤ زېږنده کال دسمبر پر ١٩ مه نېټه د نيويارک د ښار د فلشينګ په ناحيه کي د حضرت ابوبکرصديق ( رض ) په مسجد جامع کي د ارواښاد علامه عبدالشکور رشاد د فاتحې مراسم په نيويارک کي د مېشتي افغاني ټولني ، په نيويارک ، نيوجرسي او کنډيکټ ايالتونو کي د مېشتو افغان ليکوالو ، فرهنګپالو او زيات شمېر افغانانو لخوا واخستل شوه :
نوموړي مراسم چي دافغاني ټولني لخوا جوړ شوي د غرمې پريوه بجه د قاري فضل الرحمن حليمي له خوا د قران عظيم الشان په څو مبارکو اياتونو پيل شوه چي ورپسي په نيويارک کي د مېشتي افغاني ټولني د مشر حبيب الله مايار وردګ لخوا د ارواښاد علامه عبدالشکوررشاد ژوندليک ګډونوالو ته واورول شو
ورپسې عبدالکريم حليمي د استاد پر ژوند رڼا واچول چي وروسته په خپل وار سره لطيف جان بابي هم د ارواښاد پر ملي ماتم خبري وکړې اودارواښاد استاد په وير ئې خپله ويرنه برخوالو ته واوراول .
د استاد د فاتحې په دې مراسيمو کي عبدالقادر هوتک ، جنرال امير محمد داستاني ، انجنير محمد داستاني ، د افغانستان پخوانی سفير سيداصف اغا ، استاد داستاني ، صفي الله انتظام ، دعاطفه انجمن ريس عبدالرحمن جليلي ، انجينر عبدالرحيم عابدي ، ښاغلی عصمتي او يو شمېر نورو ړون اندو هم ګډون کړی و.
نوموړي مراسيم د ماذيګر پر ٤ بجو دارواښاد علامه عبدالشکور رشاد او ارواښاد علي احمد خان پوپل و ارواحو ته د دوعايي په ويلو پای ته ورسيدل
د دواړو ښاغلو ارواحان دي ښاد وي
