مرسته     |     دپاڼي نقشه     |     ننوتل
دخپریدو نیټه : 0000-00-00   مخپرونکئ : وحدت

دكندهارراډيوتلويزيون ويبپاڼه پرانستل سوه.

ناصركاكړ

 

هغه مراسم چي نن دكندهارداطلاعاتو او كلتور په رياست كي دكندهارراډيو ټلويزيون دويب سايټ درسمي پرانستني په اړه جوړ شوي وو دقرانكريم دڅومباركو آياتونو په تلاوت سره پيل سول .
ورپسې دكندها داطلاعاتو اوكلتور رئيس ښاغلي عبدالمجيد بابي دكندهارراډيوټلويزيو ن دويب سايټ او يادشوي علمي پرمختګ په اړه داطلاعاتو اوكلتور دوزيرپيغام او پرانستونكې وينا واوروله . ښاغلي بابي دخپلې وينا په اوږدوكي ميلمنو ته دښه راغلاست ويلو ترڅنګ دكندهار راډيو ټلويزيون ويب سايټ نه يوازي دراډيو ټلويزيون داداري بلكي دكندها داولس او نړيوالوترمنځ دارتباط دكړۍ په توګه يادكړ.
ورپسي دكندهار راډيو ټلويزيون آمر ښاغلي جاويد احمد وفا هم دكندهار راډيو ټلويزيون په نوي او معاصرډګر كي لاس ته راوړني ديوه ريپوټ په ترڅ كي دغونډي برخوالوته وړاندي كړي اوپه دي لړكي يي دكندهارولايت دمقام ، دكندهارداطلاعاتواوكلتور رياست او دكندهارولايت دځوانو فرهنګپالو دلاس نيوي ستاينه وكړه .

بيا دكندهارراډيو ټلويزيون دويب سايټ بنسټ ايښودونكي ځوان فرهنګپال ښاغلي خالد هادي حيدري په خپل وارسره دويب سايټ په اړه له علمي معلوماتو وركولو وروسته دكندهارپه ځوانانو او پخوليكوالانو باندي ږغ وكړترڅو دنړۍ په دي نوي عصركي له دي مهمي او علمي ټكنالوجۍ څخه په ګټه اخيستنې سره دخپل هيواد دفرهنګ بډاينې ته لاسونه سره وركړي او داخپل دروند ملي رسالت وبولي .

ترهغي وروسته دكندهارداصلاحي او مشورتي جرګي وياند تورن نيك محمد خان ، دكندهاردكليودپراختيا اوبيارغوني رئيس ښاغلي انجنير عبدالطيف آشنا ، او دكندهارداقتصاد  رئيس ښاغلي محمدرحيم رحيمي يوپربل پسي ديادي شوي بريا په اړه ويناوي وكړي .
په پاي كي دكندهارولايت داطلاعاتو او كلتور رئيس ښاغلي عبدالمجيد بابي ، دكندهاردراډيو ټلويزيون آمر ښاغلي جاويد احمد وفا او ښاغلي خالدهادي حيدري دكمپيوټردكليك په وهلو س ه په رسمي بڼه دكندهار راډيوټلويزيون ويب سايټ پرانسته .


ديادوني وړده چي دپروګرام په پاي كي ښاغلي خالد هادي حيدري اودكندهار داډيو ټلويزيون داداي په استازيتوب ښاغلي وفا ته دولايت دمقام لخوا وياړنليكونه دښاغلي بابي او ښاغلي رحيمي په لاسونو وركړل شول . دغه مراسم دغرمي ددولسوبجوپه شاوخواكي داختتاميه دعا په ويلواوعصريې په خوړلو  سره پاي ته ورسيدل . 

 

www.kandahartv.com

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery