انځورګر _ ننګرهار
د ننګرهار د پوهنتون د ختيځو ژبو د څانګي فرانسوی محصل
ښاغلی يارمحمد کوچی دعلامه رشاد صاحب خاطرې وايي
ښاغلی غلام نبي دارواښاد علامه رشاد پاکي روح ته دعا کوي
د کندهار ولايت څخه راغلي فرهنګپال
ښاغلی استاد رفيع ، ډاکټر عبدالرزاق پالوال ، ډاکټر طارق رشاد او ...
ښاغلی يارمحمد کوچی غونډي ته وينا اوروي
د غونډي يوه بله څنډه
په ننګرهار کي دارواښاد علامه رشاد بابا د څلويښتۍ غونډي ته راغلي برخه وال
د رڼا کلتوري مرکز مشر ښاغلی ظاهر قدير غونډي ته وينا کوي
په ننګرهار پوهنتون کي د ختيځو ژبو دڅانګي يو محصل غونډي ته وينا اوروي
ډاکټر طارق رشاد دغونډي برخه والو ته د وينا پر مهال
د ١٣٨٣ لمريز کال د مرغومي د مياشتي شلمه نېټۀ چي د ٢٠٠٥ زېږديږ کال د جنوري د مياشتي د نهمي نېټي سره سمون لري ، په ننګرهار كې د ارواښاد رشاد د څلوېښتۍ په مناسبت يوه ستره او پرتمينه غونډه رابلل شوه چې په كې د ننګرهار، كونړ، لغمان، زابل، كندهار، هلمند، پكتيا، خوست، پكتيكا، كابل، غزني او نورو ولايتونو ليكوالو او فرهنګيانوپه پراخه پيمان ګډون كړى و. غونډه تر غرمې مخكې پر لسو بجو پيل شوه، چې لومړى د قران كريم څوايتونه تلاوت شول.
وروسته ويناګانې وشوې، په دې برخه كې د لغمان والي شاه محمود ساپي، د ننګرهار والي حاجي دين محمد ويناوې وكړې، دغه راز د كندهار والي ګل اغا شېرزي پيغام د مجيد خان بابي له خوا ولوستل شو، چې د خوست د والي معراج الدين پټان پيغام بيا محمد الياس وحدت ولوست.
ورپسې استاد حبيب الله رفېع د علومو اكاډمۍ پيغام ولوست، خو د وخت د كموالي له كبله د نورو پيغامونو يوازې يادونه وشوه.
په ويناګانو كې استاد صميم، استاد رفېع،ډاکټر طارق رشاد، استادلال پاچا ازمون او نورو فرهنګيانو خبرې وكړې، د استاد پر كړيو كارونو يې كتنه وكړه، دغه راز يې ټينګار وكړ، چې د استاد پاتې اثار دې ژر تر ژره چاپ شي.
استاد صميم ټينګار وكړ، چې د استاد كورنۍ بايد د هغه اثار ژر تر ژره راډګر ته كړي او د چاپ لپاره دې نورو ته وسپاري. دغه راز دې د استاد په نامه پوهنتونونه، ښوونځي او نور مركزونه ونومول شي.
دغه راز دې په ننګرهار كې ننګرهار تجربوي ښوونځى د رشاد په نوم ونومول شي. چې دا يې پر ملت حق دى.
د خوست والي په خپل پيغام كې ژمنه كړې وه، چې د استاد يو اثر به كتاب به چاپوي او په خوست كې به يو ښوونځى د ده په نوم نوموي.
د پوهنتون، استادانو، شاګردانو، په سلګونو ليكوالو او له بېلابېلو سيمو څخه راغليو مينه والو په غونډه كې ګډون درلود، چې ډېر شعرونه، ويرنې او خاطرې هم ولوستل شوې.
لال پاچا ازمون او هنګامې اپرېدۍ يې د ويندويۍ چارې پرمخ بېولې، چې كوربه يې د رڼا كلتوري مركز مشر او د ننګرهار اول نمبر سرحدي لوا قوماندان ظاهر قدير و، چې ټول لګښت يې ده پر غاړه اخيستى و، دغه راز نوموړي په خپله وينا كې ژمنه وكړه، چې د استاد د پاتو اثارو دچاپ په برخه كې به ډېره مرسته كوي.
غونډه د درې نيمې بجې په شا و خوا كې د ارواښاد علامه اروا ته د دعايې په لوستلو سره پايته ورسېده.
