٢٢ دوری ١٣٨٤
په آلمان کې دداخله متخصصينو د سردرد ضد د زياتو ټابليټونو د مصرف په هکله ناروغانو ته خبرداری ورکړې او دا خبره يې په ډاګه کړېده چې دداشاني ګوليو بې درکه مصرفول پخپله کېداې سي چې د يوې مزمني او پايېدونکي سر دردی باعث وګرځي .
آلماني خپروني د تيري پنجشنبې په ورځ د دداخله متخصص "اووه رويتر" څرګندوني چې په ويسبادن کې يې د داخله متخصصينو په کنګره کې کړي وې زياتوي چې که يو ناروغه په مياشت کې د ١٥ ورځو نه زيات د سردرد ضد ګولۍ و خوري نو ډاکټر بايد و ناروغه ته د خطرې خبرداری ور کړي .
اووه رويتر په دې باوردی چې د يوه ناروغه دپاره د سردرد ضد قوي ګوليو مصرف چې د څو ګټورو مادو درلودونکي دي زياتره په مياشت کې لس ورځي کفايت کوي .
دغه برليني متخصص سپارښتنه کوي چې په هغه حالاتو کې چې يو ناروغه د زياتو سردردۍ ضد ګوليو په مصرف عادت کړی وي نو ﻻزمه ده چې ډېر ژر دغه دوا ور باندي بنده او د ناروغه بدن د زهرو نه پاک کړل سي .
د اعصابو متخصص پرفسور "هانس كريستف دينر" د آلمان د اسن ښار نه هم خبر داری ورکړی دی چې په خاص ډول د سر دردي ضد قوي دواوو کارول چې د مورفين درلودنکي وي په دې چې د عادت باعث ګرځي اصلاً د علاج د پاره مناسب ندی .
دينر وايې چې اوس اوس په آلمان کې د خلګو په سلو کې شپېته د لنډمهاله سردرديو نه رنځ وړي .
