سرچینه: د امریکا پیوپل مجله
ژباړه او ترتیب: میرویس جلالزی
د امریکا پیوپل مجلې له ولسمشر اوبهاما څخه په حواله لیکلي چې واشنګټن داسي کوم پلان نلري چې یمن ته د القاعدې د ځپلو لپاره سرتیري ولیږي.
د امریکا رسنیو تیره انۍ له امریکایې استخباراتو په نکل خبر ورکړ چې هغه کس چې غوښتل یې د نوي کال په لومړۍ ورځ په امریکایې مسافر وړونکي الوتکه کې چاودنه وکړي په یمن کې د القاعدې ډلي له مشرانو سره اړیکه درلوده او له هغه ځای څخه یې د برید دستور تر لاسه کړی وو.
دغه نایجریایې له برید دمخه ونیول شو او مسافر وړونکي الوتکه چې د امستردام ښار پر سر روانه وه خوندي را ښکته کړای شوه.
پیوپل مجلې ویلي چې امریکا دمګړۍ په یمن کې د القاعدې ډلي د مشرانو او روزن ځایونو د شتون په اړه دقیق او د تشویش وړ رپوټونه په لاس کې لري خو په عراق او افغانستان کې د امریکايي سرتیرو ښکیلتیا واشنګټن ته دا موکه نه ورکوي چې یمن ته سرتیري ولیږي او د القاعدې ډله منزوي کړي.
د مجلې په لیکنه چې اوبهاما اوس نورو هیوادونو ته د امریکایې سرتیرو د استولو په اړه ډیر دقیق فکر کوي او نه غواړي چې په یمن کې هم ځان ښکیل کړي ځکه چې دغه کار به په منځني ختیځ کې د امریکا اعتبار ته سخت تاوان ورسوي .
اوبهاما دغې مجلې ته ویلي چې د الشباب په نامه د القاعدې ډلې یوه خواخوږي بله ډله هم په یمن کې فعاله ده او دغه ډله د القاعدې تر نفوذ او قوماندې لاندي فعالیت کوي.
الشباب ډله په یمن کې عمده مراکز او په زرګونو تنه جنګیالي لري او د امریکا د اسختباراتو د ادارې له لوري د ترهګرو ډلو په کتار کې شمیرل شوي ده .
پیوپل مجله وړاندي لیکي چې که څه هم امریکا په یمن کې د القاعدې پر ضد جګړې کې ځان نه ښکیلوي خو په غیر مستقیم ډول لا دوخته په دغه جګړه کې سهم لري او هغه هم د سعودي عربستان په مرسته د یمن په شمال کې د القاعدې د جنګیالو پر ضد روانه جګړه ده .
تیره میاشت د القاعدې ډلې د جنګیالو پر ضد د یمن په شمال کې له دوو لورو د سعودي عربستان او یمن حکومت په ګډه همکارۍ ځپونکي عملیات پیل شول او پکې د القاعدې او الشباب ډلو په لسګونو جنګیالي مړه او یو شمیر مرکزونه یې ویجاړ کړای شول.
پیوپل مجله وړاندي لیکي چې د سوریې او ایران په ګډون یو شمیر هیوادونو امریکا او سعودي عربستان د یمن د حکومت په هغې جګړه کې په ښکیلاتیا ملامت کړي چې د یمن د یاغیانو پر ضد پیل شوي دي.
BY: Mirwais Jalalzai
