دخپریدو نیټه : 2005-08-19 مخپرونکئ : خليل الله سروري
په كندهار كي د خپلواكۍ د ګټلو ۸۶ يمه كليزه
مطيع الله روهيال - كندهار
په كندهار كي د ګران هيواد د خپلواكۍ د ګټلو ۸۶ يمه كاليزه په پرتمينو مراسمو سره ولمانځل سوه. دا مراسم د كندهار د جشن په سيمه كي د ټولو دولتي چارواكو او د كندهار خلكو په پراخ ګډون سره ولمانځل سوه، مراسم د سهار پر ۸ بجې پيل سوه، په پيل كي
م روهيال - كندهار
۲۸ دزمرى چي د اګست د مياشتي د ۱۹ نيټي سره سمون لري
په كندهار كي د ګران هيواد د خپلواكۍ د ګټلو ۸۶ يمه كاليزه په پرتمينو مراسمو سره ولمانځل سوه. دا مراسم د كندهار د جشن په سيمه كي د ټولو دولتي چارواكو او د كندهار خلكو په پراخ ګډون سره ولمانځل سوه، مراسم د سهار پر ۸ بجې پيل سوه، په پيل كي كندهار والي ښاغلي اسدالله خالد د اردو پوځي قطعات وكتل، وروسته د كلام عظيم د څو مباركو اياتونو په لوستلو سره مراسم پيل سوه.
تر تلاوت وروسته كندهار والي اسدالله خالد د نن ورځي د اهميت او په دغه ورځ د ټولو هغو غازيانو چي د آزادۍ په لار كي يې خپل سرونه داو كړي دي په باب خبري وكړې. اسدالله خالد د آزادۍ د لاري د ټولو غازيانو په ځانګړي ډول د غازي امان الله شاه د مدبرانه آمريت څخه يادونه وكړه او د هغوى د اروا خوښوني له پاره يې ټول افغانان د هغوى ارواحونو ته د دوعا په استولو مكلف وګڼل د دې تر څنګ يې د خپل هيواد د آزادۍ د ساتلو له پاره راوبلل.
وروسته پوځي رسم ګذشت پيل سو، چي د ملي اردو، ملي امنيت، او كندهار د ملي پوليسو اړوندانو پكښي ګډون درلود.
تر هغه وروسته په وار سره د ښووني او روزني د رياست ټولو اړوندو لېسو او منځنيو ښوونځيو تر څنګ د عامي روغتيا، فوايد عامې، د سړكړنو او لويو لارو څخه د ساتني او څارني رياست، د سپورټ آمريت، مهاجرينو رياست، كليو او پراختيا رياست، ټبرونو او قومونو رياست او په كندهار كي د آزادو سپورټي كلبونو اړوند كسان د رسم گذشت په ډول د سټېج مخته تېر سول، د يادولو وړ ده چي په دې مراسمو كي د كابينې ځينو غړو لكه د كليو او پراختيا وزير حنيف اتمر، په كندهار كي د ګاونډيو هيوادونو: اېران او هندوستان سياسي نمايندګانو او د ځينو نورو بهرنيو موسساتو استازو هم ګډون درلود.
مراسم په ډېر پرتمين ډول تر سره سوه، چي د خلكو له لوري به په چكچكو سره بدرګه كېدل
