یوه نوې څېړنه ښیي چې کم نور او د عینکو په سترګو کول دوکې، درغلیو او غیرې اخلاقي کارونو ته د انسان میلان ډېروي.
د کاناډا د تورنټو او د امریکا د شمالي کارولینای په پوهنتونونو کې روان پوهانو په دې اړه ځېنې څېړنې ترسره کړي تر څو ومومي چې ایا تیاره او د کم نور چاپېریال هم د انسان د درغلۍ یا ځان غوښتنه کې د هڅونې لامل ګرځي؟
په یوه څېړنه کې ځینې کسان راټول او په دوه ډلو وویشل شول او وروسته بیا یوه ډله په تیاره او بله ډله په رڼا خونه کې د یو څه وخت لپاره پرېښودل شول.
نوموړیو کسانو ته ۱۰ ډالره ورکړل شوي وه چې په ډله کې هر یو یو کار تر سره کړي او نیم ډالر د مزدورۍ په ډول پورته کړي. پایله دا شوه چې د تیاره خونې کسانو نظر رڼا کوټې ته درغلي کړې وه او ډېرې روپۍ یې ځان ته پورته کړې وې.
همدا راز په یوه بله څېړنه کې معلومه شوه هغه کسان چې د تورې یا لمرینې عینکې کاروي نظر هغو کسانو ته چې رڼې یا ساده عینکې کاروي ډېر ځانغوښتونکې کړنې ترسره کوي.
څیړونکي وايي د تیارو تجربه کول په واقعیت کې په انسان کې د ګمنامۍ حس ډېروي او دغه خبره پورتنیو کړنو ته انسان ترغیبوي.
