سرچینه: ګارډین ورځپاڼه
ژباړه : مرضیه تنها
موضع تاریخ
د نن څخه شپیته کاله وړاندی دغی ورځپاڼی (ګارډین) د یوه خپرونکی ویکټور ګولنکز لیک (چی ددغی پاڼی په لاندنی برخه کی بیا چاپ سوی دی) خپور کړی و. په دغه لیک کی نموړی د خلګو څخه غوښتنه کول چی د غربت (غریبۍ) او جګړه مارۍ په وړاندی مهم کمپاین کی دده سره ملګری سی.
هغه وخت چی برطانیې په اسیا کی د کوریا نه ګټل کیدونکې جګړه پر مخ وړل، ګولنګز (د خبرواترو له لاری د شخړی هوارول) لپاره دخپلو پلویانو څخه وغوښتل چی ده ته فقط یو پوسټکارډ (انځوریزلیک) ورولیږی چی یوازی د (هو) ویی پر لیکلی وی. د یوې میاشتی په دننه کی لس زره کسانو جواب ورکړی و چی پایله کی یی جګړه د اړتیا په وړاندی یا (war on want چی په لندن کی د غریبې په وړاندی اوس یوه ستره پروژه ده) وزیږیده.
نن ورځ برطانیه په اسیا کی په یوه بله نه ګټل کېدونکې جګړه کی نښتې ده، دا ځل افغانستان دی. د هغه راپور له مخی چی د (war on want جګړه د اړتیا په وړاندی) لخوا نن سهار خپور سوی و، د افغانستان خلک د دوی په هیواد کی د روانی جګړې په وړاندی ډیره ستره او ناوړه بیه ورکوی. پوځی عملیاتو نه یوازی دا چی ارامی نه ده راوستلی بلکی په افغانستان او ګاونډیو هیوادونو کی د ستری ناکراری عامل ګرځیدلی دی. د رایی اچوونو لړۍ په پرله پسې ډول ښیی چی د برطانیی ۷۰٪ سلنه خلګ د افغانستان څخه د خپلو پوځیانو سمدلاسه یا ژر وتلو غوښتونکی دی.
هغوی وای: موږ باور لرو چی په افغانستان کی روانه جګړه د افغانانو د ګټو په وړاندی ده. موږ د افغانستان څخه د برطانوی پوځیانو د سمدلاسه وتلو، د خبرو له لاری د شخړی د هواری چی د ځانی-ازادی تضمینونکی وی، امنیت او د افغانانو لپاره د بشری حقوقو تامینول غواړو.
که تاسی زموږ سره پر دغه پروسه خوښ یاست نو د برښنالیک له لاری په (هو) لیکلو د (yes@waronwant.org) سره یوځای سی.
جان هیلری، د (War on Want) سرپرست مشر
افغان سیاست پوه ملالۍ جویا
لین مکلوسکی عمومی مرستیال Unite
ډیو پرینټیس عومی مرستیال Unite
سیلی هنټ د پوهنتون او کاجونو ډلی عمومی مرستیال
جریمی ډیر د خبریالانو ملی ډلی عمومی مرستیال
مارک سروټکا د عامو او سوداګری خدماتو ټولنی عمومی مرستیال
بیلی هییز د مخابراتو کارګر ټولنی عمومی مرستیال
باب کراون د اورګاډی، سمندری بیړیو او ترانسپورت ټولنی عمومی مرستیال
میچل منسفایلډ QC
ټونی بین
مارشا سینګ ام پی نظامی پولیس
جیریمی کورباین ام پی نظامی پولیس
مارټین کېټن ام پی نظامی پولیس
جان مکډونل ام پی
پاول فلاین ام پی
معظم بیګ د محبس سرپرست
سلما یعقوب بیرمینګم ښاری سلاکاره
لینزی جرمن کونوینر د جګړې په وړاندی ایتلاف
فیل شینر د عامو ګټو وکیل
کین لوچ
ویکټوریا بریټن
لاوکی
بروس کینټ
د لومړنی خپاره سوی لیک بشپړه بڼه:
د ګارډین میچسټر ورځپاڼی مشر ته:
ښاغلی،--- موږ اوس په کوریا کی د چین د (بیلوالی) راهیسی دداسی جګړی کول په غاړه لرو چی پایله یی د وړاندوینی وړ نه ده.
دغی جګړې ته سلاح ورکوونه او په هغه کی فقط ورځنی برخه اخیستنه زموږ څخه اروایی تازګی او انرژی غلا کوی، چی د سولی د لاسته راوړنی لپار ډیر اړین دی.
هره ورځ زموږ ذهنونه لا په پوره ډول اوړی: د یکشنبې د ورځی په رسنیو کی (دوږخی بم) ورستۍ پام اړونه ده، او (امییل) هغه څوک چی په لسوزرو برطانویانو کی به یی ایله یوه نوم اوریدلی وی د قبر په شکل راوړل سوی دی چی موږ ته خبرداری راکړی چی ډیر وړاندی له هغه څخه چی (هن) پر بلجیم یرغل وکړی، روسان ظالم او وحشیان وه.
دا شونې نه ده چی ان د تیرو دوومیاشتو په اوږدو کی د ویجاړیو په اړه مبالغه وسی. یا به داسی وی چی بیا به د طوطی په رقم دا خبره تکراروو چی دا دجګړې حتمی پایله نه وه: جګړه یوه حتمی ناوړه پایله لری که موږ یی د درولو لپاره یوه نوې، مثبته او د انسانی وس څخه نژدې بهر هڅه ونه کړو.
زه یوه دوه ټکیز پروګرام ته اشاره کوم: لومړی د روسی سره وړاندی اټکل سوی کنفرانس دی کوم چی داسی ځنډیلی و لکه زموږ چی خپل پایښت په خپل واک کی وی. او اوس بیا یی په اړه داسی خبری کیږی لکه دا چی ترټول بریالی ګام کیدای سوای، چی خدای خبر چی څو واری نور باید چاپ کړل سی لکه زموږ ژوند چی ټوله د هغه په پایلو پوری اړه لرله. : د ډیپلوماټانو یو د بل سره بدلول، تیاری، د نظامی ځایونو په ګوته کول، د پیسو په واسطه جګړه ټول باید د اوبو پر مخ وغورځول سی، ځکه موږ ددې لپاره اوس هیڅ وخت نه لرو. پریښودل سوی به هم د اجنډا له مخی اوږده بحسونه یا د بحسونو ضد وی. چی زموږ پرمختګ باید پیراخوالی ولری که اوږدوالی، یا په بله وینا چی موږ باید د روسیی د اجنډا پر ټکو مصلحت وکړو که زموږ په هغه. ماشومانه بی مسولیتی هغه څه ده چی په جریان کی یی موږ هره شیبه د تنګی غاړی ته نږدی را کښل کیږو! تر ټولو ښه خبره داده چی موږ ټول د هر چا پر منطق چی وی سره را غونډ سو او د روغی جوړی لپاره پیراخی هڅی وکړو
لیکن تر ټولو مهم ټکی اوس منځ ته راځی: هرڅومره چی زموږ سیاست مداران باوری دی وی به – او زه د هغوی باور ستاسو سره شریکوم چی زموږ د اوسنیو بدبختیو تر ټولو لومړنی مسول کرملین دی، نو په دې خاطر موږ باید تر اوسه جوړه کړې وای، لکه ښاغلی نهرو چی یی هم غوښتنه کړې ده، د جنګ په ډول نه بلکی د سولی په شکل. هیڅ کار ستونزمن نه دی: لیکن که چیری موږ دومره ستری هڅی کولایسو چی د وسلې له مخی ځانونه تقویه کړو، نو ایا په پرتلیز ډول داسی هڅه نه سو کولای چی ځانونه په روحی ډول بی وسلی کړو تر څو خبل زهر کمزوری کړو؟ او زه وړاندیز کوم چی بغیر د روسیی د کنفرانس څخه، موږ باید هروخت او هرځای د جګړی د مصلحتونو د اوږدمهاله پایښت لپاره انسانی مصلحتونه د یو بل سره عوض کړو.
دوهم موږ باید د خبرو اترو د اټکل لپار لومړنی ګامونه واخلو چی د پلان ځینی برخی له وړاندی لا د والټر ریوتر لخوا اټکل سوی دی. په ځانګړی ډول هغه نړیواله پانګه باید داسی منځ ته راوړل سی له د ژوند او مرګ مهمه موضوع. چی دا به د هغو په سلګونه میلیونه خلګو د حالت د ښه والی لپاره وکارول سی چی خوار ، مایوسه او د لوږی سره مخ دی. زه غواړم خپل هیواد د هغه د وړاندیز سوو مرستو په اندازه ووینم، چی نړی ته د یوې نوی سیالۍ چلینج ورکوی، دا وار د سولی لپاره سیالی.
ښایی چی نړیوالی خبری اتری د نړیوالی ادارې لپاره دیوې ګټوری موضع سبب سی نه د یوې بی ثمره. ښایی چی جګړې ته میلان چی د نړیوالو ګټو په وړاندی هم دی مخه ونیول سی. او يه پای کی به توره د یوی په پله (د مځکی اړولو اله) بدله سی.
ښاغلی، ایا کولای سم چی ستاسو څخه غوښتنه وکړم چی هرڅوک چی ددغه لیک سره همږغی وی باید یو پوسټ کارډ (انځوریزلیک) یوازی د یوه ویی (هو) او ددوی د نوم او پتی سره ماته پر ۱۴هینریټا، لندن ډبلیو.سی.۲. پته راولیږی؟ زه د هیڅ کوم عمل د کولو ضمانت نه کوم. لیکن که جواب په پوره ډول لوی وی ښایی چی کوم شی ورڅخه راووزی.
VICTOR GOLLANCZ
14 Henrietta Street, London
W.C. 2. February 7
