داسماءحسني دوظيفې يوه خاصه طريقه :

فتوانمبر(۴۵۹) مفتي : سترعلمي اورحاني شخصيت مفتي ، علامه محمدمعين الدين ابوالفضل ،کا ن الله ودامت برکاته ـ مستفتي : عبدالله ناصری سعودی عرب ـ السلام عليکم ورحمة الله وبرکاته : پوښتنی څخه مخکی زه خپل احترامات او د مینی او خلوص سلامونه محترم مفتی صاحب ته پیش کوم الله جل جلاله دی د دغه عظیم خدمت لپاره نور استقامت هم درکړی اوالله تبارک و تعالی دی تل صحت مند او په د نیا او اخرت کښ بریالی لره . پوهیږم چی په خپلو ورځنی با ارزښته او قیمتی چارو کښ ډیر مصروف یاست خو بیا هم ډیره بښنه غواړم که د خپل دغه قیمتی وخت نه مو یو څه وخت زما د پوښتنی لپاره وقف کړو نو ډیر زیات به مو مشکور شم . محترم مفتی صاحب که د سپیڅلی ذات سپیڅلی نومونو (اسماءالحسنی)په اړه خپل تفصیلی او کره معلومات راسره شریک کړی ډیر به ښه وی(مطلب د ۹۹ اسماء کرامو معنی او فضایل ځکه چی ما له ډیرو کلونو راهیسی اسماؤالحسنی حفظ کړیدی خو د ټولو په معنی نه پوهیږم او که اسماؤالحسنی کومه خاص وظیفه لری نو مهربانی وکړی راته یی ووایست زه خو ی له هر لمونځ نه بعد یو ځلی ورد کوم. د تفصیلی ځواب په هیله. الجواب ومنه الصواب : نحمده ونصلي علي رسوله الکريم وعليکم السلام ورحمة الله وبرکاته محترمه قدرمنه وروره: داسماءحسني دوظيفې مختلفي طريقې دي ، چي انشآءالله تعالي په بله سلسله کي به يې تفصيل وکړو ـ خودلته ستادپاره يوه طريقه ذکرکوو: اول واربه يوولس واره درود ابراهيمي شريف وايي (يعني هغه درودچي په لمانځه کي ويل کيږي) بيابه يوولس واره «ياالله»ووايې ـ تردې وروسته به اسماءحسني هريويوولس واره ووايې ، له دې وروسته به بيايوولس ځله « ياالله » ووايې ـ له دې وروسته به بيايوولس ځله درودشريف ووايې ـ له دې وروسته به خپل حاجتونه له خدايه پاک وغواړه ، اوانشآءالله تعالي ټول حاجات به دي ترسره شي ـ اوبیان دمعناګانواودخاصيتونوداسماءحسنی ډېر وخت غواړي دائې ځای ندۍ ـ والسلام ومن الله التوفيق ـ