د جمعې دلمانځه د ترتيب په اړه د احمدالله پوښتنه :

فتوی نمبر (۶۰۸) . 

مفتي   :  ستر علمي او روحاني شخصيت عَلامه مُحَقِّقْ مُحَمّدْ مُعِينُ الدِّين أبوالفضل أفغاني ، کانَ اللهُ له ودَامَت برکاته  .

مستفتي   :  احمدالله   .

ستر عالم علامه ابوالفضل ته دزړه له کومی سلامونه اوښی پیرزوینی وړاندی کوم او دسترڅښتن (ج) ددرباره څخه ومحترم ابوالفضل  صاحب او ورسره دبینوآ پاڼی مسؤل محترم خالد هادی ته د مغفرت دعاګانی کوم.
زماپوښتنه ده چی دجمعی مبارکی د ماپښین لمونڅ خودولس رکعته دی خوایا ترتیب ئی په لاندی ډول دی که کوم بل ترتیب لری. ۱.څلور رکعته سنت ۲.دوه رکعته فرض په ملا پسی ۳. څلور رکعته سنت ۴.دوه رکعته سنت ، او که کوم بل ترتیب لری مهربانی وکری که ئی راته واضح کړی دهمدی ویبپاڼی له لاری څخه الله (ج) دی بیا هم په دنیا اواخیرت کښی اجرونه در کړی.  مننه.

الجواب و هو الملهم للصواب  :

محترمه وروره ! نه پوهيږم چي د جُمعې د دوولسو (۱۲) رکعتو ترتيب په څه وجه پر تا باندي پوشيده سوئ دئ ، هغه أصلي مَحَل د اشکال دي نه دئ ښکاره کړئ ، خو کومه پوښتنه چي ستا له ظاهري ألفاظو څخه معلوميږي ، د جمعې د ۱۲ رکعتو بعينه هغه ترتيب دئ کوم چي تا ذکر کړئ دئ  .
والسلام  .