دقضاءحاجت پروخت وقبلې ته مخ ياشاګرځول:

فتوانمبر(۶۱۳)

قدرمن مفتي صاحب السلام عليکم ، زه يوه پوښتنه لرم هغه داچي   په وخت دقضاء حاجت کښي وقبلې شريفي  ته مخ ياشا ګرځول داسلامي شريعت له رويه څه حکم لري.

الجواب ومنه الصواب ـ

نحمده ونصلي علي رسوله الکريم

محترمه وروره په دې اړه نهه مذهبه دي :

(۱)مخ ياشا ګرځول وقبلې ته په وخت دقضا حاجت کښي مطلقا ناروا دئ ، که په صحرا کښي وي او که په ودانيوکښي وي : دامذهب دابوهريره اوحضرت ابن مسعود ، حضرت ابوايوب انصاري ، حضرت سراقه بن مالک ، حضرت مجاهد ، ابراهيم نخعي ، طاوس بن کيسان ، حضرت عطاء ، ابوثور ، امام اوزاعي ، سفيان ثوري ، امام ابوحنيفه ، امام محمد ، ابن حزم الظاهري اودابن قيم دئ ، اودامام احمد څخه هم يوقول دغه ډول رانقل سوئ دئ ، اودحنفيه وو په نزد هم فتوا پردغه قول ده.
(۲): وقبلې شريفي ته مخ ياشاګرځول مطلقا روااوجائزده ،دامسلک دحضرت عائشه (رضي الله تعالی عنها) ، عروه بن زبير ، دامام مالک داستاذ ربيعة الرأي اوله داود ظاهری څخه منقول دئ.
(۳:مخ ياشاګرځول وقبلې ته په صحرا کښي ناجائز اوپه اباديو کښي جائزدي ،دامسلک دحضرت ابن عباس حضرت عبدالله ابن عمر ، عامر شعبي امام مالک امام شافعي اود اسحاق بن راهويه دئ، اوله امام احمد څخه هم دغه ډول یو روايت نقل دئ.
(۴): مخ ګرځول وقبلې ته په هرصورت کښي ناروا اوشاګرځول په هرصورت کښي رواده ، داقول له امام احمدڅخه منقول دئ ، اوبعض اهل ظاهرهم داسي وايي ، اوله امام ابوحنيفه څخه هم يوقول داسي نقل دئ.
(۵): مخ ياشادقضاحاجت په وخت کښي وقبلې ته ناجائزدي بلکي له دې سره سره وبيت المقدس ته هم مخ ياشا ګرځول مطلقا ناروا اوناجائزدئ ، داقول ابن سيرين دئ ، اوديوه روايت مطابق دابراهيم نخعي هم دغه مسلک دئ.
(۶): دمخ او شاګرځولو حرموالي صرف دمدېنې منورې تراوسېدونکو پوري خاص دئ ، کوم څوک چي له مدېنې منورې دباندي وي هغوته داحرمت نسته ، داقول دابوعوانه دئ.
(۸)وقبلې ته مخ ياشاګرځول مطلقامکروه تنزيهي دئ ، داډول  يوروايت له امام صاحب څخه هم راغلئ دئ کوم چي صاحب دنهرالفائق په شرح دکنزالدقائق کښي ذکرکړئ دئ ، شاه ولي الله صاحب په  «المصفي» کښي اومشهور عالم علامه شوق نيموي په اثارالسنن کښي ودې قول ته ترجيح ورکړېده .شروح الترمذي.
والسلام ومن الله التوفيق.