له بدن سره دروح تعلق اودهغه قسمونه:

مفتي  :
ستر علمي او روحاني شخصیت علامه، محقق محمد معين الدين أبوالفضل ، افغاني کان الله له ودامت برکاته .

مستفتي:محمـد حسين/برلن/جرمني.

السلام عليکم مفتي صاحب زماسوال دادئ :چي
دانسان دروح تعلق له بدن سره څو مراحل اوډولونه لري ‎.

 الجواب ومنه الصواب ـ

نحمده ونصلي علي رسوله الکريم
محترمه!
دروح له بدن سره پنځه  قسمه تعلقه دي:
(۱): دمور په نس کي دروح تعلق له بدن سره اوداکمزورئ تعلق دئ.
(۲):له پيداکېدو وروسته بيا دعمر ترپايه ، اوداتعلق تر اول تعلق يوڅه زورور دئ.
(۳):په خوب کښي دروح تعلق له بدن سره ، اوداتعلق ډېر کمزورئ دئ ؛ولي چي دخوب په وخت کښي دروح تعلق له عالم برزخ سره دئ نو له دې وجي له بدن سره يي تعلق کمزورئ وي .
کله چي يوصحيح خوب انسان وويني نو هغه دعالم برزخ ددتګ او سير نتېجه ده .
(۴): تعلق له مرګ څخه وروسته تعلق دئ دبدن له روح سره ، له مرګ څخه وروسته که څه هم روح له بدن څخه دمرګ په وجه جلا سويې وي مګر بياهم بالکل نه جلا کيږي بلکه يوډول تعلق له بدن سره لري.
(۵): تعلق دروح دۍ له بدن سره،  دقيامت په ورځ ، اوداتعلق ترټولو تعلقو قوي اوزورور دئ ، ولي چي نه کمزورئ کيږي اونه ليرکيږي .
والسلام ومن الله التوفيق.