شهرالرمضان(۱)برخه ،درمضان استقبال بايدڅنګه وشي؟

شهرالرمضان(۱)برخه.     مسلمانان بایدپه څه ډول درمضان استقبال وکړی

لیکوال:

علامه محمدمعين الدين ابوالفضل کان الله له ودامت برکاته.

بسم الله الرحمن الرحيم.

نحمده ونصلی علی رسوله الکريم
امابعد:

زمامحترمومسلمانووروڼودرمضان دمقدسی میاستی درارسیدوپه وجه می درمضان لړۍ ستاسی ددینی منافعو  په وجه پیل کړه هیله ده چی هره  برخه یې په ډیر دقت سره ګورۍ اوفائده ورڅخه اخلی ان شاءالله ډیر بې مثاله معلوماتونه به ورڅخه ترلاسه کوۍ.
 اوس په دغه لومړۍ برخه کښي په دې اړه معلومات درکوم چي مسلمانان بایدپه څه ډول درمضان دمبارکي میاشتي استقبال وکړي.
محترمومسلمانانو وروڼوهرمسلمان چی دغه  یوڅواموردرمضان دمبارکی میاشتی  درارسیدو په خاطر عملی  کړی نودغه  مسلمان په ډیره نیکه توګه درمضان دمبارکی میاشتی استقبال وکړاوهرمسلمان  ته پکار دئ چي په همدغه ډول درمضان دمبارکی میاشتی  استقبال بدرګه کړي:

اول: هرمسلمان بایددرمضان مبارک تررارسیدلوله مخه لاداخلاص توبه وکاږی اوپه خپلو هغو تقصیراتو کښي چی دالله جل جلاله په بندګی کښي ورڅخه صادرسویوی تدبراوتأمل وکړی اوباندی پښيمانه  سی اوله الله جل جلاله څخه مغفرت وغواړی اوداټینګ عزم اوقصدوکړی چی آینده  به دغه تقصیرات  نه تکراروم ، ترڅوچی له رمضان مبارک سره  په داسی حال کښي مصادف  سی چی له ګناوو څخه  پاک سویوی ځکه تائب له ګناه څخه دهغه چاپه ډول دۍ چی بیخی يې هیڅ ګناه نه وکړی لکه چی داسلام پیغمبر صلی الله علیه وسلم فرمایلي دي:
«التَّائِب من الذنب ِکَمن لاذنبَ لَه».
دوهم: هرمسلمان بایددرمضان مبارک ترراتلوله مخه لاوخپلوعادی حالاتوته تغیرورکړی اوپه تلاوت اوپه ذکراواستغفاراوداسی نورووتعبدی کاروزورولګوی ددې لپاره چی درمضان مبارک له رارسیدو سره  سم له عباداتو،قرباتواوطاعاتوسره یې عادت نیولۍوي.

دریم: درمضان مبارک درارسیدوله مخه لابایدحتی الامکان تقسیم الاوقات وکړی چی په دې وخت کښي به طاعت کوم اوپه فلان وخت کښي به ذکرتسبیحات وغیره کوم اوپه فلان وخت کښي به خپلی دنیوی عادی چاری ترسره کوم اوپه فلان وخت کښی به استراحت کوم وهکذا.

څلورم: هرمسلمان بایددرمضان دمبارکی میاشتی وراتګ ته داسی شوق،مینه اوخوشحالی اوتنده ښکاره  کړی لکه یوډیر سخت  تږۍ یاسخت وږئ انسان چی يې واُوبواویاډوډۍ ته ښکاره کوي.

پنځم: هرمسلمان نراوښځه درمضان  تررارسیدو ړومبَی لاوالله پاک ته ددې سوالونه احتیاجونه او دعاګانی  دزړه په حضوراوپه ډیره عاجزی سره کوی چی الله جل جلاله یې درمضان  دمبارکی میاشتی له برکاتو او فيوضاتوڅخه محروم نکړی اودطاعت اوعبادت توفیق ورکړی اوپه دغه میاشت کښی یې الله جل جلاله  له تقصیراتو اوغیر شرعی حرکاتوڅخه وساتی اودصحیح اوسالمی روژې  نیولوتوان ورکړی دغه پنځه امور چی مسلمان له مخه ترراسیدودرمضان په عمل کښي راولی  نوبیشکه ده په اعلی درجه سره درمضان  مبارک  استقبال بدرګه کړ.
والسلام ومن الله التوفیق .