د ختيځي سيمي د ژورناليستانو او ليکوالو خپلواکه ټولنه او رڼافرهنګي مرکز له خوا سبا د (مرغومي د مياشتي پر شلمه نېټۀ د ننګر هار په ولايت کښي د ارواښاد استاد اکاډيمسن پوهاند علامه عبدالشکور رشاد د مړيني څلويښتمه نمانځي .
ټاکل شوې ده چي په دې غونډه کي به هرات ، کندهار ، غزني ، کابل ، لغمان ، خوست ، کنړ ، نورستان ، مزار شريف ، ننګرهار او ځينو نورو سيمو ليکوال او فرهنګپال برخه اخلي .
غونډه به د سهار پر ٩ بجو نهو د ننګرهار ولايت د قبايلو چارو د رياست په انګړ کي پيل او د مازديګر تر څلورو بجو پوري به دوام وکړي .
د دې نمانځنغونډي چاري د ختيځي سيمي د ژورناليستانو او ليکوالو د خپلواکي ټولني د مشر ښاغلي لال پاچا ازمون او رڼا فرهنګي مرکز د مشر حاجي عبدالظاهر قدير له خوا د ننګرهار ميشتو فرهنګپالو په همکاري تر سره شوي دي .
بېنوا ويبپاڼه هڅه کوي د غونډي تر پای ته رسيدو وروسته د غونډي جزيات تاسو درنو لوستونکو ته وړاندي کړي .
همدا ډول نن د ١٣٨٣ کال د مرغومي دمياشتي پر ١٩مه نېټۀ چي د ٢٠٠٥ کال د جنورۍ د مياشتي د ٨ سره سمون لري ، د امريکا د نوي يارک په ښار کښي دخدای بخښلي استادعلامه رشاد بابا څلوېښتمه ونماځل شوه .
د نيويارک د غونډي راپور پر ليکه شو ، دلته يې ولولئ .
