د ښځو نړيواله ورځ د افغانستان د ښځو او ماشومانو د حقوقو د ملاتړ د ټولنې ( GURAF ) له خوا د ٢٠٠٥ زيږديز کال د مارچ دمياشتي پر ١٢ نيټه د ويانا په ښار کی په ډير درنښت ونمانځل شوه .
په دغه غونډه کي د دې ورځي په هکله چه ولي دا ورځ او بيا ولي د مارچ په اتمه نمانځل کيږي او ددې اصلي موخه څه ده، د نفيسه آصف لخوا برخه والو ته په زړه پوری معلومات ورکړ ل شو ل او انساني کرامت او په تيره بيا مينې ته د احترام په هيله دا ورځ د< مينه سوله مينځ ته راوړي او سوله مينه > تر سرليک لاندی چه په هر ځای په تيره بيا د افغانستان لپاره مهمه خبره ده ونمانځل شوه.
وروسته بيا د ټولنې مشرې ماسټرې زرکه مليار د ټولنې او د دی ورځي په وياړ لنډي خبرې وکړې .
همدا راز دټولني مرستيالي د نړيوالو ادبياتو څخه د پورتني سرليک په نظر کی نيولو سره په زړه پوری ليکني مينه والو ته وړاندې کړې.
ښکلي شعرونه او نثرونه د افغانستان د ادبياتو څخه غوره شوي وه چه د ملکه سيد او زکيه محسني لخوا ولوستل شول چه دميلمنو لخوا په تودو ولولو سره بدرګه شو ل .
همداراز د له لارې دټولنې د درې پوروژو مصور خبرونه چه دوه يې د محلي دايي پروژې په ننګرهار او بله يې د يوه ښونځي جوړولو پروژه په لغمان کی ده د غونډی برخه والو ته وروښودل شول او څلورمه چه په بدخشان کې به په نژدې راتلونکې کې د محلي دايانو د روزنې پروژه پيل شي معلومات ورکړل.
همدا راز دهجرت د هنري فلم څو لنډې صحنې چه د محترم ډاکټر واحد نظري او زمونږ د درنو هيوادوالو لخوا په اروپا کې جوړ شوۍ په ويانا کې افغانانو ته ورښکاره شوې چه په ١٣ د مارچ دا فلم د نندارې لپاره برابر شوی وو. غونډه د په زړه پورې کنسرت نه وروسته چه په سلګونو افغانانو او اطريشيانو په کې برخه اخيستې وه پاې ته ورسيده.
افغانه حقوق پوه اغلې زرکه ماليار غونډي ته وينا کوي
د اطريش د ويانا په ښار کي د ښځو نړيواله ورځ (د غونډي يوه څنډه )
په اطريش کي دښځو د نړيوالي ورځي په مناسبت جوړه شوې غونډه
يوه له وينا کوونکود ښځو د نړيوالي ورځي په اړه خبري کوي
يوه له وينا کوونکو غونډي ته وينا کوي
اغلې نفيسه اصف د هجرت هنري فلم د لوبغاړو په منځ کي
