٢٣ دوری ١٣٨٤
مصنوعي سترګي و نابينايانو ته دليدو اميد ورکوي . هيله کيږي چې نابينان به ددې وسيلې په مرسته په دې و توانيږي چې د څهرو پېژندنه وکړي .
دبي بي سي د انترنيتي رسنۍ په حواله، امريکايي کارپوهانو ونابينايانو ته ديوې داسي مصنوعي سترګي طرحه برابره کړېده چې که څه هم ناقصه به وي خو و هغوي ته به د بينايي حس ورکړي .
دغه مصنوعي سترګه د يوې كمپيوتري ترېشې او د يوه ويډيويي دوربين څخه تشکيله سوې ده .
دغه ويډيويي دوربين په هغه عينکو کې چې نابينا يان يې په سترګو کوي نصبيږي او بيا په هغه تراشه کې چې د سترګي ترشا ځاي نيسي ، تړل کيږي .
کوم انځورونه چې دوربين يې اخلي هغه و تراشې ته مخابره کيږي او تراشه بيا هغه د داسي علامو په ډول اړوي چې مغز يي پېژندﻻي سي .
دغه وسيله د بالتيمور د ښار د جانز هاپكينز په پوهنتون کې پروفسور ګيسلين داګنلي طرحه کړېده .
پروفسور داګنلي د خپلي اختراع جزئيات د تيري دوشنبې په ورځ په لندن کی د نابينايانو د پاره د سلطنتي ملي موسسي په کنفرانس کې څرګند او زياته يې کړه چې دی هيله من دی پر انسان باندي به ددې وسيلې آزمايښت د يوه کال په اوږدو کې پيل سي .
که څه هم د هغو انځورونو کيفيت چې مصنوعي سترګې يې خلقوي د واقعي سترګو د انځورو سره ډېر توپيرولري، خو کوﻻي سي دومره واضح وي چې و نابينا شخص ته د څهرو د پېژندلو امکان ور کړي .
هغه نارو غان چې د نابينايې دډېر مروج عامل ياني د ( دي جنرېنشن مكولاDegeneration Macular ) باندي مبتلا دي ښايې چې ترو نورو زيات ددې پرمختيا نه ګټه پورته کړي .
دا ناروغي هغه و خت را مينځته کيږي چې د سترګي " ژړه لکه" ضرر وويني. ژړه لکه د شبکيې مرکزي خوا ته هغه ځاي دی چې روښنايې يا نور په هغه کې متمرکزه او وروسته بيا په مغز کې په عصبي علامو اړول کيږي .
تراشه، دکاره لوېدلي سلولونه ليري غورځوي او پاتي سالم سلولونه تحريکوي .
