دارالافتآء أبوالفضل .
فتوی نمبر (۴۷۶) .
مفتي :
ستر علمي او روحاني شخصيت علامه محقق محمد معين الدين أبوالفضل أفغاني ، کانَ اللهُ له ودَامَت برکاته .
مستفتي :
سيد غلام نبي اغا (لندن) .
تر هر څه له مخه و علامه أبوالفضل او د بينوا ټولو کارکونکو ته سلامونه او نيکي هيلي وړاندي کوم ، له محترم مولوي صاحب څخه ځما پوښتنه داده چي بعضي مغربي تعليم يافته خلګ ټائي په غاړه کوي او له هغه سره لمونځ کوي ، نو ايا له نکټايي سره لمونځ کول روا دئ او که نه دئ ؛ ځکه چي دا خو د عيسویانو علامت دئ .
الجواب و هو الملهم للصواب :
نحمده ونصلي علي رسوله الکريم :
محترمه وروره ! ددې پوښتني جواب موږ مخکي هم څو واره کړئ دئ ، خو چونکه ضروري پوښتنه ده نو اوس يې بيا په مختصر ډول حکم درته بيانوم :
محترمه ! نيکټايي د عيسويانو له ديني شعائرو (علامو) څخه دئ ، نو چونکه ددې په غاړه کولو سره د هغوۍ ددغه مذهبي نښان تأييد او ټينګوالئ راځي نو دا په «تشبه بالکفار» کښي داخل دئ ، او لمونځ ورسره مکروه دئ .
[لقوله عليه السلام : من تشبه بقومٍ فهو منهم . قال الطیبي : قوله من تشبه بقوم هذا عامٌ في الخلق ، والخلق والشعار ، و اذا کان الشعار أظهر في التشبيه ذکر فی هذا الباب (طيبي شرح مشکوة ج۸ ص ۲۱۹) ] . [فتاوی حقانيه ج ۳ ص ۲۰۷] .
والسلام و من الله التوفيق .
