په ختیځ کې د ډاکټرمحمد اشرف غني د ټاکنیزکمپاین د موټرو کاروان نن سهار لس بجې شاوخوا کونړ ته پرلاره د ناڅرګندو وسله والو د ډزو هدف وګرځول شو.
دا ډزې د نرنګ ولسوالۍ د چینارګي په سیمه کې پرهغه موټر وشوې،چې په ختیځ کې د ډاکټرصیب غني د کمپاین عمومي مشر الحاج احسان الله کاموال او په ولسي جرګه کې د ننګرهار استازې مېرمن ارین یون پکې ناست ول.
د ډزو له کبله دغه ضد ذرې موټرلږ زیانمن شوی،خو له ښه مرغه چې په موټرکې ناستو او د کمپاین نورو کسانو ته کوم زیان نه دی اوښتی.
د موټرو په دغه لوی کاروان کې د ختیزو ولایتونو یوشمېر دیني عالمان،قومي مشران او د ډاکټرمحمد اشرف غني د کمپاین ځینې فعالان هم موجود وو.
د ډاکټراشرف غني د کمپاین دفترد دغه برید له غندلو سره له حکومت او امنیتي ارګانونو څخه غوښتنه لري،چې د دغه ولسمشریز نوماند د کمپاینرانو امنیت ساتنې ته پوره پاملرنه وکړي.
په ختیځ کې د ډاکټرمحمد اشرف غني د کمپاین مطبوعاتي مسول
ارشاد رغاند
