مرسته     |     دپاڼي نقشه     |     ننوتل
Rahat Gas
دخپریدو نیټه : 2017-08-16   مخپرونکئ : 039 - دبېنوا اداره - کابل

وطن او آزادي

فاروق أعظم

 

  

روح ژوندون دی تر هغو چی وي په تن کي

که تن مړ سي، روح نو څه دی په بدن کي

 

وطن تن دی آزادي یی روح ده ګوره   

استقلال سي بی معنی په نه وطن کي

 

زړه ژوندی دی په قالب کي د کوګل    

که کوګل نه وي زړه ګوره په مدفن کي

 

ډیر قومونه دي دنیا کي بی هویته      

درناوی وي د هریو چا پخپل مأمن کي

 

خپل وطن ګوره عزت او پاچهي ده    

د هرچا وي پت خوندي پخپل مسکن کي

 

آزادي‌ هم د وطن روح ده بی شکه    

که دا نه وي نشاط نسـته ها ګلشن کي

 


غلامي ده ستر توهین، ذلت د پږي

مرګئ ښه دی تر پردو رسۍ ګردن کي

 

خپلواکي او خاوره دوه لازم ملزوم دي

آزادي ‌دي په وطن، روح دي په تن کي

 

پیژانده سي په مجنون د لیلا حسن    

لیلا هم مشهور مجنون کړ هر وطن کي

 

خپل وطن او خپل اختیار لیلا مجنون دي

که یو مري، ها بل به هم وي په کفن کي

 

 

 

 

mainport ipower spozmai radio
Answer Machine : + 1 (518) 5577770   --   USA Tel : +1 518 3662728   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2014   All Rights Reserved     Powered by:Benawa Network     Design by: Khalid Hadi Hiadery