مرسته     |     دپاڼي نقشه     |     ننوتل
دخپریدو نیټه : 2020-01-05   مخپرونکئ : 039 - دبېنوا اداره - کابل

د خوږیاڼو ولسوالۍ یو شمیر ځوانانو د افغانیو رواجولو په اړه د والي ستاینه وکړه

راحیله جواد

د خوږیاڼو ولسوالۍ یو شمیر ځوانانو د افغانیو رواجولو او د دوی په سیمه کې د نجونو ښوونځی لپاره د ودانۍ جوړیدو له امله د ننګرهار والي ستاینه وکړه .
د ننګرهار ولایت د خوږیاڼو ولسوالۍ د لوخۍ سیمې د ځوانانو ټولنې غړو د دوی په سیمه کې په وروستیو کې نجونو ته د ښوونځي ودانۍ جوړیدو او د افغانیو رواجولو له امله د دې ولایت والي شاه محمود میاخېل قدرداني نوموړي ته د اعزاز لونګۍ په سر کولو سره وکړه .
د ځوانانو په استازیتوب شیربهادر او احمد سیار په وروستیو کې په امنیتي،اقتصادي او انکشافي برخه کې پرمختګونه وستایل او پخپله سیمه کې یې هلکانو لیسې د ترمیم،نجونو لیسې لپاره د احاطې جوړولو،کلینک ته د درملو لیږدولو او یو شمیر نورو برخو کې غوښتنې وکړې .

د ننګرهار والي شاه محمود میاخېل د یادو ځوانانو له ملاتړ څخه مننه وکړه او ډاډ یې ورکړ چې د ولس په همکارۍ به امنیتي ساحې لا پراخه،افغانۍ به بشپړ دود کیږي او د ولایت په کچه به نور پرمختګ ته هم زمینه برابریږي .
هغه ډاډ ورکړ چې د پوهنې او روغتیا په برخه کې به د دوی ستونزې اړونده مسؤلینو سره د حل په موخه شریکي کړي

Answer Machine : + 1 (518) 5577770   --   USA Tel : +1 20 38 202020   --   AFG Tel : + 93 (786) 909000  --   Director Email : khalid_hadi@hotmail.com   --   Editor Email : rahila.jawad@gmail.com
Benawa.com    Copyright ©   2004-2018   All Rights Reserved     Powered by:Benawa Network     Design by: Khalid Hadi Hiadery